Paet Leanid Prančak znoŭ pajšoŭ u sud — i narešcie całkam prajhraŭ
Paet Leanid Prančak prajhraŭ praces pa abaronie svaich aŭtarskich pravoŭ. Viarchoŭny sud nie pavieryŭ, što jon tolki ciapier daviedaŭsia pra imaviernaje parušeńnie, ździejśnienaje ŭ 2013 hodzie.
Historyja datyčyć vierša «B», jaki źjaviŭsia na sajcie pa pravavoj aśviecie dziaciej i padletkaŭ.
Hety vierš upieršyniu byŭ apublikavany ŭ zborniku «Dziaŭčynka biełaruska», vydadzienym u 1993 hodzie.
Samaje zachaplalnaje, što Prančak u svoj čas dazvoliŭ vystavić u internet usiu knihu i zaklučyŭ adpaviednuju damovu — a paśla pryjšoŭ skardzicca na publikacyju adnaho ź vieršaŭ.
Paet patrabavaŭ 255 rubloŭ i kampiensacyju dziaržaŭnaj pošliny.
Adnak asnoŭny arhumient abarony byŭ u tym, što kali Prančak — jak jon sam śćviardžaje — pastajanna manitoryć internet i šukaje zhadki pra siabie, jon musiŭ ubačyć publikacyju jašče ŭ 2013 hodzie.
Źviartacca ŭ sud možna na praciahu troch hadoŭ paśla taho, jak tvaje pravy byli parušanyja. A Prančak pryjšoŭ u sud tolki ŭ 2019 hodzie.
U vyniku Viarchoŭny sud navat nie staŭ razhladać pazoŭ Prančaka pa sutnaści — terminy daŭniny syšli.
Dziaržaŭnuju pošlinu nichto jamu kampiensavać nie budzie.
Na nastupny tydzień zapłanavany sudy Prančaka ź Minharvykankamam i Mahiloŭskaj abłasnoj fiłarmonijaj.
Kamientary