Pres-sakratar Biełaha doma Stefani Hryšem paprasiła žurnalistaŭ i hramadskaść nie śpiekulavać na temie zdaroŭja prezidenta ZŠA Donalda Trampa. Pra heta jana napisała ŭ svaim tvitary.
«Dalejšyja śpiekulacyi, jakija vychodziać za ramki majoj poŭnaj infarmacyi, biezadkaznyja i niebiaśpiečnyja dla krainy», — napisała Hryšem, kamientujučy źviestki pra zdaroŭje amierykanskaha lidara.
Jana dadała, što padčas abśledavańnia Tramp pravodziŭ čas ź miedrabotnikami i siamjoj vajskoŭca. «Mabyć, niekatorym reparcioram dastaŭlaje bolš zadavalnieńnia raspaŭsiudžvać biezadkaznyja čutki», — zajaviła pres-sakratar.
17 listapada Bieły dom paviedamiŭ, što prezident vyrašyŭ skarystacca vychodnymi i pravieści častkovaje płanavaje abśledavańnie svajho zdaroŭja. Dla hetaha jon prybyŭ u vajenny špital Walter Reed u štacie Meryłend. Pa słovach Hryšem, miedahlad nieabchodny pierad «napružanym 2020 hodam», kali adbuducca novyja prezidenckija vybary.
