Biełaruskamoŭnuju žurnalistku vyhaniali z učastku ŭ Homieli, bo ŭ jaje «polski akcent»
Incydent zdaryŭsia na ŭčastku dla hałasavańnia № 15 Homielskaj Centralnaj akruhi № 33, što ŭ budynku kaledža čyhunačnaha transpartu. Na ŭčastak pryjšli žurnalisty, ale im zabaraniŭ tam prysutničać staršynia ŭčastkovaj kamisii, jon ža dyrektar kaledža — Anatol Ševiel, piša Radyjo Svaboda.
«My pryjšli pracavać na vybarčy ŭčastak, i staršynia kamisii pačaŭ patrabavać u nas akredytacyju. Ja spytałasia pa-biełarusku: pra jakuju akredytacyju idzie havorka, pra jaki mienavita zakon? Anatol Ševiel adkazaŭ, što ja nie maju prava pracavać, bo ja zamiežnaja žurnalistka, pryjechała z Polščy, bo ŭ mianie jon zaŭvažyŭ polski akcent. Ja z 2001 hoda razmaŭlaju na biełaruskaj movie i ŭpieršyniu čuju, što ŭ mianie polski akcent. My z kalehami ŭdakładnili ŭ staršyni kamisii — a ź jakim akcentam možna razmaŭlać? Ukrainskim, rasijskim? Jon praburčaŭ niaŭciamna, što z rasijskim možna», — prakamientavała Julija Siviec.
Jana supracoŭničaje z šeraham ŚMI, uvachodzić u Biełaruskuju asacyjacyju žurnalistaŭ.
Anatol Ševiel nie dazvalaŭ znachodzicca na ŭčastku i karespandentu BiełaPAN, patrabujučy «akredytacyju». Na pytańnie, dzie možna ŭziać «akredytacyju», što jana saboj ujaŭlaje, adkazać nie moh. Nastojliva prapanoŭvaŭ pakinuć učastak, pakazvajučy rukoj na dźviery. Adna z členaŭ kamisii navat schapiła karespandenta BiełaPAN za kurtku. Paśla vusnaj skarhi ŭ akruhovuju kamisiju Centralnaj akruhi Anatol Ševiel źmianiŭ rytoryku i dazvoliŭ žurnalistam pracavać.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary