Kiraŭnik CVK ab «incydentach u vybarkamach»: Dumaju, hetyja hramadzianie siabie hetak ža pavodziać na kuchni z žonkaj
Lidzija Jarmošyna nazvała niekalki incydentaŭ na ŭčastkach i ŭ rehijonach padčas vybarčaj kampanii, pa jakich Łukašenka abiacaŭ «adkrucić hałovy i pavyvaročvać ruki», paviedamlaje Tut.by.
Nahadajem, u niadzielu ranicaj Łukašenka prakamientavaŭ incydenty ŭ vybarkamach u rehijonach. Jon skazaŭ, što jamu viadomyja 6 vypadkaŭ pravakacyj padčas kampanii i vybaraŭ, i zajaviŭ, što z usimi žorstka raźbiarucca.
Kiraŭnik CVK adznačyła, što kali niechta i dakładvaŭ prezidentu ab hetych vypadkach, to nie jana.
— Dumaju, usie hetyja fakty biarucca ź internetu, — dadała Jarmošyna.
Akramia vypadku ŭ Breście, pa słovach kiraŭnika CVK, jość situacyja ŭ Mahilovie, dzie staršyniu kamisii «ckujuć» [davieranyja asoby kandydata] tym, što raskleili ŭlotki ŭ padjeździe, u jakich staršyniu vinavaciać u parušeńni vybarčaha zakanadaŭstva.
— Heta značyć padryvajuć dziełavuju reputacyju, honar, hodnaść čałavieka ŭ kruzie susiedziaŭ. Akramia hetaha, ja viedaju, što ŭ Babrujsku rehistracyja kandydata była admieniena ŭ piatnicu ŭ suviazi z tym, što jon i jaho davieranyja asoby pahražali vybarčym kamisijam tym, što ŭvieś čas nahadvali pra kryminalnuju adkaznaść: «vas pasadziać» — i ŭsio ŭ takim płanie. Takija fakty byli, pra astatnija mnie nieviadoma. I jany, chutčej, śviedčać nie ab niaviedańni zakona, heta poŭnaja adsutnaść ułasnaj unutranaj kultury, bieskulturje hetych hramadzian, voś i pavodziny takija. Dumaju, jany siabie hetak ža pavodziać na kuchni z žonkaj, — skazała Lidzija Jarmošyna.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary