Adna ź lideraŭ ruchu «Havary praŭdu» Taciana Karatkievič mieła ranicaj razmovu z Alaksandram Łukašenkam na vybarčym učastku ŭ Miensku. U interviju Svabodzie jana raspaviała, ci była hetaja sustreča zaplanavanaj i ci vahałasia jana, paciskać ruku Łukašenku ci nie.
Pavodle Taciany Karatkievič, jana pryjechała na vybarčy ŭčastak № 506, kab padtrymać naziralnikaŭ ad «Havary praŭdu». Ranicaj jany paviedamili, što nia majuć mahčymaści bačyć skryni dla hałasavańnia.
«Ja vyrašyła padjechać i pahladzieć, — skazała Taciana Karatkievič.—Tak supała, što ja trapiła ŭ hety čas».
Karatkievič dadała, što pra hałasavańnie Łukašenki na hetym učastku joj było viadoma. Ale kali dakładna jon pryjedzie — nie.
Akurat u hety čas Alaksandar Łukašenka adkazvaŭ na pytańni žurnalistaŭ. Potym jon padyšoŭ da žančyny na vazku, kala jakoj stajała Karatkievič.
«Ja pradstaviłasia. Alaksandar Łukašenka praciahnuŭ mnie ruku. Źviarnuła ŭvahu, što naziralniki nia bačać skryniaŭ dla hałasavańnia».
Taciana Karatkievič kaža, što havorki pra vybary 2020 hodu jana nie zavodziła. Havaryli tolki pra parlamenckija.
«Jon spytaŭ, čamu ja nie kandydat. Ja skazała, što ja davieranaja asoba. Pra prezydenckija vybary my nie razmaŭlali».
Taksama Karatkievič skazała, što jana nie vahałasia, ci paciskać Łukašenku ruku.
U 2015 hodzie Taciana Karatkievič udzielničała ŭ prezydenckich vybarach, a ŭ 2016-m — u parlamenckich.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary