Na ŭčastku № 409 u Minsku baćku kandydata Volhi Kavalkovaj, jaje davieranaj asobie Alaksandru Kavalkovu, stała drenna, jaho pavieźli na «chutkaj» u špital, piša Tut.by.
Na ŭčastku Alaksandr prysutničaŭ u jakaści naziralnika razam z pradstaŭnikami BCHD Vitalom Rymašeŭskim i Dzianisam Sadoŭskim. Drenna mužčynu stała paśla skandału sa staršynioj kamisii — naziralniki źviarnuli ŭvahu, što ŭčastak paśla 20.00 nie začynieny, na im prysutničajuć staronnija: nieviadomy mužčyna niekalki chvilin kryčaŭ na naziralnikaŭ. Staršynia kamisii ŭ adkaz pačała kryčać i patrabavać spynić zdymku, jakuju raniej dazvoliła vieści naziralnikam.
Videa ŭ siabie na staroncy apublikavaŭ Vital Rymašeŭski. Alaksandr Kavalkoŭ siadzieŭ moŭčki, a potym cicha skazaŭ, što ŭ jaho pačynajecca sardečny prystup.
Naziralniki, jakija viedajuć, što raniej u mužčyny było dva infarkty, adrazu vyklikali jamu «chutkuju». Daktary ahledzieli mužčynu i zabrali ŭ balnicu.
Sama Volha Kavalkova ciapier naziraje za padlikam hałasoŭ na inšym učastku. Z baćkam jana pakul što nie razmaŭlała pa telefonie.
— Ja razam z Alaksandram zaraz jedu ŭ «chutkaj», jaho viazuć u 5-ju kliničnuju balnicu, u jaho hipiertaničny kryz, — raspavioŭ TUT.BY Dzianis Sadoŭski.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary