Jarmošyna: Rašeńnie ab pierachodzie ad mažarytarnaj vybarčaj sistemy vybarščyki nikoli nie padtrymajuć
Rašeńnie ab źmienie vybarčaj sistemy treba prymać z ulikam stratehii raźvićcia krainy. Takoje mierkavańnie siońnia žurnalistam vykazała staršynia CVK Lidzija Jarmošyna, pieradaje karespandent BiełTA.
Lidzija Jarmošyna ličyć, što rašeńnie ab pierachodzie ad mažarytarnaj vybarčaj sistemy da źmiešanaj abo praparcyjanalnaj daviadziecca prymać dziaržavie. «Vybarščyki nikoli nie daduć zhody i nie padtrymajuć hetaha, kali pravieści refierendum», - ličyć staršynia CVK. Na jaje dumku, spatrebicca «valavoje rašeńnie ŭład, jakoje pavinna prymacca z ulikam stratehii raźvićcia krainy».
Kiraŭnik CVK padkreśliła, što mažarytarnaja sistema adnaznačna papularnaja siarod vybarščykaŭ. «Jany ŭsio ž taki ličać za lepšaje mieć svaich viadomych deputataŭ, da jakich mohuć źviartacca. Usio ž taki partyi - niešta abiaźličanaje», - kanstatavała Lidzija Jarmošyna. Razam z tym jana nie vyklučyła, što ŭ budučym u Biełarusi daviadziecca prymać miery pa raźvićci palityčnaj sistemy, partyj. Z punktu hledžańnia kiraŭnika CVK, bieź pierachodu na inšuju sistemu zrabić hetaha nie ŭdasca.
Dla čynoŭnikaŭ raspracavali miesiendžar Depesha. U čym jaho hałoŭnaja prablema?5
Kamientary