Jak chatni hadavaniec u kamunalnaj kvatery apynuŭsia na nielehalnym stanoviščy i ŭ jurydyčnaj pastcy, paviedamlajuć «Minsk-naviny» raspaviali ŭ ŽEU-1 Maskoŭskaha rajona.
Miesca dziejańnia — dvuchpakajovaja kvatera ŭ domie na vuł. Słabadskoj. Paśla razvodu muž i žonka padzialili doli i rachunki. Žančyna z ulubioncam-katom tak i zastałasia žyć u svaim pakoi, a mužčyna pradaŭ svaju dolu siamiejnaj pary. Padobna da taho, što adnosiny pamiž ŭłaśnikami nie załadzilisia. Navasielcy napisali zajavu ŭ ŽEU z prośbaj pryciahnuć da adkaznaści susiedku pa kamunalnaj kvatery, jakaja niezakonna ŭtrymlivaje «vializnaha ahresiŭnaha kudłataha kata».
Pretenzij, pa sutnaści, dźvie. Pieršaja zaklučajecca ŭ tym, što haspadynia nibyta vypuskaje žyviołu za miežy svajho pakoja: «Vakoł na vopratcy, mebli, posudzie — jaho poŭść. U kvatery śmiardziać nieprybranyja fiekalii. Kot irvie vopratku, špalery, draty, pierakulvaje kvietki … ». Druhaja tyčycca zakanadaŭstva. Zajaŭnik apieluje da Pravił ŭtrymańnia chatnich sabak, kotak, a taksama adłovu bieznahladnych žyvioł u nasielenych punktach. Punkt 3 dakumienta, u pryvatnaści, abviaščaje, što dazvalajecca źmiaščać «u kvatery, dzie pražyvaje niekalki najmalnikaŭ (ułaśnikaŭ), nie bolš za adnu žyviołu na siamju najmalnika (ułaśnika) pry zhodzie ŭsich paŭnaletnich hramadzian, jakija pražyvajuć u kvatery». A takoj zhody para navasiołaŭ nie davała i rabić heta nie maje namieru.
- Našy rabotniki naviedvali kvateru. Nijakaj antysanitaryi i niepryjemnych pachaŭ nie vyjavili. Zvyčajny dahledžany kot.
Jość łatok z admysłovym napaŭnialnikam, — prakamientavała namieśnik dyrektara ŽEU-1 Maskoŭskaha rajona Taćciana Rohava. - Hadavaniec nie byŭ zarehistravany, tamu vydali pradpisańnie na jaho rehistracyju. Ale zrabić heta biez zhody ułaśnikaŭ, jakija pražyvajuć u inšym pakoi, nielha. Takoje voś zamknionaje koła. My patłumačyli ŭdzielnikam kanfliktu, što situacyja moža być vyrašana ŭ miežach hramadzianskaha pracesu praz sud. Ci padavać adpaviedny pazoŭ, vyrašać novamu ŭłaśniku. Šmat hadoŭ pracuju ŭ śfiery ŽKH, ale ŭpieršyniu baču, kab jabłykam razładu staŭ kot. Zrešty, jość padstavy mierkavać, što nie hadavaniec źjaŭlajecca pryčynaj niepryjaznych adnosin pamiž ŭłaśnikami.
Dajšła sprava da suda abo sprečku udałosia ŭrehulavać miram, pakul nieviadoma.
