U Cienacie ZŠA zajavili pra mahčymaść zatrymać «Paŭnočny patok — 2»
Amierykanski sienatar-respublikaniec Ted Kruz zajaviŭ, što sankcyi ZŠA zdolnyja jak minimum na hod zatrymać uviadzieńnie ŭ ekspłuatacyju hazapravoda «Paŭnočny patok — 2», piša ria.ru.
Pa słovach zakanadaŭca, trubapravod moža prynieści miljardy dalaraŭ dla «padsiłkoŭvańnia rasijskaj ahresii».
«U toj ža čas jon naškodzić usioj Jeŭropie, zrabiŭšy Zachodniuju Jeŭropu bolš zaležnaj ad rasijskaj enierhii, bolš biezabaronnaj pierad ekanamičnym strymlivańniem, pierad ekanamičnym šantažom. Ja dumaju, što ŭsim zacikaŭlenym bakam budzie lepš, kali Jeŭropa budzie atrymlivać enierhiju z krynic, jakija nie stanuć vykarystoŭvać jaje jak sposab šantažu», — skazaŭ Kruz, majučy na ŭvazie haz z ZŠA.
Na dumku palityka, uviadzieńnie sankcyj suprać kampanij, jakija biaruć udzieł u budaŭnictvie rasijskaha hazapravoda, pryviadzie da spynieńnia isnavańnia hetaha prajekta, pakolki «ŭ Rasii niama technałohij dla prakładki trubapravoda pa dnie mora». «U najhoršym vypadku, — dadaŭ jon, — «Paŭnočny patok — 2» zatrymajecca «bolš čym na hod».
Kamientary