Bolš za 60 architektaraŭ z usioj Biełarusi naviedali kvartał «Pirs» pad Minskam, kab vyvučyć novyja padychody ŭ prajektavańni i horadabudaŭnictvie. Najbolšuju zacikaŭlenaść vyklikali urban-viły i vodny kanał. Ciapier takija kompleksy chočuć raźvivać u abłasnych centrach.
Rada hałoŭnych architektaraŭ rehijonaŭ Biełarusi sabrałasia ŭžo ŭ vośmy raz. I pierš za ŭsio naviedała žyły kompleks «Pirs» kala Minskaha mora, dzie dla ich arhanizavali ekskursiju. Horadabudaŭnikoŭ cikavili detali zabudovy: naprykład, jak zroblenyja fasady, jak praviedzieny vodaadtok i arhanizavany vodny kanał.
«My ŭbačyli novy padychod zabudoŭščyka i architektaraŭ da žyłoha asiarodździa. Jakaść architektury i azdableńnia fasadaŭ roznych typaŭ damoŭ i dobraŭparadkavańnie terytoryi vyklikajuć zachapleńnie. Asabliva ŭraziŭ novy typ damoŭ, nazvany «urban-viłami», — adznačyŭ namieśnik staršyni Biełaruskaha sajuza architektaraŭ Michaił Hauchfield.
Padobnaja da «Pirsa» zabudova moža atrymać raźvićcio ŭ rehijonach. «Urazili inavacyjnyja padychody da budaŭnictva, architekturnyja i budaŭničyja rašeńni, jakija prymianiajucca pry ŭźviadzieńni žyłych damoŭ. My taksama zacikaŭlenyja ŭ budaŭnictvie takich žyłych kompleksaŭ u Mahilovie», — skazaŭ hałoŭny architektar abłasnoha horada Uładzimir Skačak.
Raniej biełaruskija architektary naviedvali kompleks «Novaja Baravaja». Paśla čaho navat pryniali rašeńnie zasnavać novuju konkursnuju naminacyju na respublikanskaj «Architekturnaj vosieni 2019» — «Najlepšy deviełapier Respubliki Biełaruś». Łaŭreatam stała kampanija «A-100 Deviełapmient» za architekturu i dobraŭparadkavańnie žyłoha kvartała ŭ Minskim rajonie.
Nahadajem, žyły kvartał «Pirs» znachodzicca na terytoryi płoščaj 12 hiektaraŭ pamiž Minskim moram i chvajovym lesam. Na całkam zakrytaj terytoryi ź videanazirańniem zbudavanyja čatyry typy damoŭ: urban-viły, katedžy, sicichaŭsy i taŭnchaŭsy. Dla žycharoŭ praduhledžany zony adpačynku, spartyŭnyja i hulniavyja placoŭki, miescy dla barbiekiu i letni amfiteatr, a ŭzdoŭž usiaho kompleksu prachodzić vodny kanał.
Kamientary