Alaksandr Łukašenka padpisaŭ ukaz numar 423 «Ab madelnaj dziejnaści». Ab hetym BiełTA paviedamili ŭ pres-słužbie kiraŭnika dziaržavy.
Dakumient nakiravany na raźvićcio ŭ krainie madelnaj dziejnaści, a taksama stvareńnie ŭmoŭ dla ŭdaskanaleńnia raboty Nacyjanalnaj škoły pryhažości. Pravavyja asnovy rehulavańnia hetaj śfiery ŭ Biełarusi stvarajucca ŭpieršyniu, adznačyli ŭ pres-słužbie.
Va ŭkazie kankretyzavany značeńni i aznačeńni terminaŭ, źviazanych z madelnaj dziejnaściu, zamacavany pravaadnosiny pamiž madelnym ahienctvam i madellu, vyznačany asablivaści zaklučeńnia kantraktaŭ dla niepaŭnaletnich asob. Taksama pašyrajucca funkcyi i vidy ekanamičnaj dziejnaści Nacyjanalnaj škoły pryhažości, ustanaŭlivajecca paradak pakryćcia biudžetnych srodkaŭ, zatračanych škołaj na navučańnie madeli. Praviły, jakija rehulujuć padbor, navučańnie i pracaŭładkavańnie madelej, u tym liku niepaŭnaletnich, i inšyja pytańni madelnaj dziejnaści buduć vyznačany ŭradam.
«Ukaz nakiravany na abaronu pravoŭ i zakonnych intaresaŭ udzielnikaŭ madelnaj dziejnaści, papularyzacyju biełaruskaj mody», — padkreślili ŭ pres-słužbie.
