Deputaty Pałaty pradstaŭnikoŭ i členy Savieta Respubliki šostaha sklikańnia hanaravany dziaržaŭnymi ŭznaharodami za «plonnuju dziaržaŭnuju i hramadskuju dziejnaść, značny ŭniosak u raźvićcio zakanadaŭstva i parłamientaryzmu». Adpaviedny ŭkaz padpisaŭ Alaksandr Łukašenka, paviedamlaje BiełTA.
Ordenam Pašany ŭznaharodžany staršynia pastajannaj kamisii pa adukacyi, kultury i navucy Pałaty pradstaŭnikoŭ Ihar Marzaluk.
Miedal «Za pracoŭnyja zasłuhi» prysvojena šerahu deputataŭ Pałaty pradstaŭnikoŭ. Siarod ich staršynia pastajannaj kamisii pa zakanadaŭstvie Natalla Hujvik, staršynia pastajannaj kamisii pa žyllovaj palitycy i budaŭnictvie Juryj Darahakupiec, staršynia pastajannaj kamisii pa ekanamičnaj palitycy Uładzisłaŭ Ščepaŭ, namieśnik staršyni pastajannaj kamisii pa pytańniach ekałohii, pryrodakarystańnia i čarnobylskaj katastrofy Natalla Klimovič, namieśnik staršyni pastajannaj kamisii pa pracy i sacyjalnych pytańniach Aleh Leŭšunoŭ. Takoj ža ŭznaharody ŭdastojeny i supracoŭniki sakrataryjata Pałaty pradstaŭnikoŭ — zahadčyk adździeła pa padrychtoŭcy zakonaprajektaŭ i ŭzajemadziejańni z pastajannaj kamisijaj pa adukacyi, kultury i navucy Valeryj Hamieza i zahadčyk adździeła pa arhanizacyi pracy z dakumientami Valancina Ražnova. Miedal «Za pracoŭnyja zasłuhi» taksama prysvojena staršyni pastajannaj kamisii Savieta Respubliki pa ekanomicy, biudžecie i finansach Uładzimiru Panciuchovu.
U adpaviednaści z ukazam namieśniku staršyni Savieta Respubliki (2016-2019 hady) Maryjanie Ščotkinaj prysvojena hanarovaje zvańnie «Zasłužany rabotnik sacyjalnaj abarony Respubliki Biełaruś».
Alaksandr Łukašenka taksama padpisaŭ rasparadžeńnie ab abjaŭleńni padziaki prezidenta namieśniku staršyni pastajannaj kamisii Savieta Respubliki pa zakanadaŭstvie i dziaržaŭnym budaŭnictvie Viktaru Čajčycu.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary