Stała viadoma, chto prynios Kalinoŭskamu bieł-čyrvona-bieły vianok, jaki pastavili naroŭni ź dziaržaŭnymi FOTA
![](http://nashaniva.com/img/w732d4webp1/photos/z_2019_11/photo_2019-11-24_13-23-36-e074n.jpg.webp)
U prysutnaści vializnaj hramady truny paŭstancaŭ 1864-ha pierapachavali ŭ Vilni ŭ kapličcy na mohiłkach Rosy.
Ludzi nanieśli ŭ kaplicu z trunami paŭstancaŭ kvietak, viankoŭ, usio heta pakinuli la śpiecyjalnaj aharodžy, a ŭžo na samym hanarovym miescy stajali vianki ad uradaŭ Biełarusi, Polščy, Litvy, Łatvii i Ukrainy.
Biełaruski vianok, naturalna, z čyrvona-zialonaj stužkaj.
I heta badaj što adziny napamin pra aficyjnuju simvoliku, bo bolš aficyjnaja simvolika ni ŭ jakim vyhladzie na pierapachavańni Kalinoŭskaha nie prysutničała, biełarusy ŭziali z saboj tolki nacyjanalnyja bieła-čyrvona-biełyja ściahi.
Jak raskazaŭ «Našaj Nivie» minski artapied Alaksandr Drozd, jon vyrašyŭ vypravić hetuju niedarečnaść u kaplicy i paprasiŭ litoŭskuju vartu dazvolić pastavić vianok ź bieła-čyrvona-biełaj azdobaj: «Bo heta — vianok ad narodu, a toj — ad uładaŭ».
«Naša Niva» daviedałasia, chto mienavita prynios mienavita hety vianok.
«Tam było dva takija vianki — adzin Kalinoŭskamu, a druhi — Sierakoŭskamu, — raskazaŭ nam vilenski pradprymalnik Kirył Atamančyk. — I jašče 19 maleńkich — kožnamu paŭstancu. Vianki byli zamoŭlenyja za narodnyja srodki Biełaruskim hramadskim kamitetam ušanavańnia pamiaci paŭstancaŭ 1863—64 hadoŭ. A dva vialikija vianki nieśli vypuskniki Jeŭrapiejskaha humanitarnaha ŭniviersiteta Kastuś Mankus i Uładzisłaŭ Hurynovič», — kaža Atamančyk.
![](http://nashaniva.com/img/w732d4webp1/photos/z_2019_11/atamanchyk_n-letky.jpg.webp)
Varta adznačyć, što vysoki ŭzrovień arhanizacyi pierapachavańnia — zasłuha ŭ tym liku Biełaruskaha hramadskaha kamiteta, jaki stvaryła supolna maładoje pakaleńnie vilenskich biełarusaŭ. Akramia Atamančyka, heta Dzianis Kučynski i Alaksandr Adamkovič. U kamitet uvachodzili taksama prafiesar historyi Aleś Smalančuk i kiraŭnik inicyjatyvy «Biełaruskaja nacyjanalnaja pamiać» Anatol Michnaviec.
Na vianki dy inšyja patreby kamitet sabraŭ kala 2100 dalaraŭ.
«Dziakuj Litvie za toje, što zrabili hetuju cyrymoniju na takim pačesnym uzroŭni», — adznačajuć taksama kiraŭniki inicyjatyvy.
Kamientary