U RAUS Pieršamajskaha rajona Minska zahinuła žančyna. Infarmacyju pra heta «Našaj Nivie» paćvierdzili ŭ Śledčym kamitecie.
Śledčyja kažuć, što pryčyna śmierci pakul nieviadomaja.
«Pa hetym fakcie pravodzicca pravierka. Dla vyśviatleńnia dakładnaj pryčyny śmierci buduć pravodzicca adpaviednyja ekśpiertyzy», — paviedamiła «Našaj Nivie» Kaciaryna Harlinskaja, aficyjnaja pradstaŭnica SK pa Minsku.
Viadoma, što zahinułaj było 56 hadoŭ.
Pieršapačatkova infarmacyja źjaviłasia ŭ telehram-kanale Niechta. Pa infarmacyi błohiera, žančynu zatrymali 23 listapada za administracyjnaje pravaparušeńnie. Paźniej jana nibyta skončyła žyćcio samahubstvam u haradskim adździaleńni milicyi Pieršamajskaha rajona. Pryčym, jak paviedamiŭ Niechta, žančyna zasiliłasia na ŭłasnym staniku.