Urad i Ministerstva ekanomiki viadzie pracu ź siłavymi viedamstvami nakont dalejšaj dekryminalizacyi ekanamičnych parušeńniaŭ. Pra heta paviedamiŭ ministr ekanomiki Dźmitryj Krutoj, piša Tut.by.
— Praca pa dekryminalizacyi zakanadaŭstva praciahvajecca, chacieli padmacavacca fakturaj. Jość i žadańnie, i daručeńnie [Łukašenki] heta praciahvać, — raspavioŭ kiraŭnik Minekanomiki.
Jon nahadaŭ pra ekśpierymient u Oršy, dzie ŭviedzieny maratoryj na ŭsie pravierki.
— Jość prezidenckaje daručeńnie jašče raz pahladzieć i Kryminalny, i Kryminalna-pracesualny kodeks mienavita ŭ ekanamičnaj śfiery. U tym liku — z punktu hledžańnia zatrymańniaŭ, — adznačyŭ Krutoj.
Ministr zapeŭniŭ, što idzie kanstruktyŭnaja praca ź siłavymi viedamstvami.
Kamientary