«Abmyć» zarpłatu nie atrymajecca.
«Abmyć» zarpłatu nie atrymajecca
Pradstaŭniki MUS prapanoŭvajuć zabaranić prodaž ałkaholu ŭ kramach u dni vydačy avansu i zarpłaty. U viedamstvie ličać, što praviadzieńnie dzion ćviarozaści padčas finansavaha padjomu hramadzian budzie najbolš efiektyŭnym. Aryjentavacca na čas vydačy hrošaj treba pa samych bujnych pradpryjemstvach haradoŭ: u Žodzina — «BiełAZ», u Salihorsku — «Biełaruśkalij».
Apošniaja inicyjatyva stała najbolš viadomaju: jak pra ekzatyčnaje noŭ-chaŭ pra jaje napisali ŚMI va ŭsim śviecie. Nidzie bolš takoha niama. Ale heta nie adzinyja miery, jakimi ŭ Biełarusi sprabujuć strymać ałkahalizacyju.
Doški hańby
Inicyjatyva vyviešvać fotazdymki ałkaholikaŭ u hramadskich miescach naležyć uładam Starych Daroh. Fotazdymki «asacyjalnych elemientaŭ» možna ŭbačyć nie tolki na stendzie, ale i ŭ rajonnaj haziecie. Doški hańby aktyŭna vykarystoŭvajuć i ŭ Bresckim rehijonie: na 256 stendach raźmiaščajucca fota pjanicaŭ i nielehalnych handlaroŭ ałkaholem.
Vylečym... pracaj
Adnavili pracu ŁPP, u jakija nakiroŭvajuć pa rašeńni sudu dla izalacyi i abaviazkovaj pracy. Termin — hod-paŭtara. Lačeńnie ad ałkahalizmu, miedykamientoznaje albo psichaterapieŭtyčnaje, tut ažyćciaŭlajecca tolki pa žadańni. Lačeńnie inšych chvarobaŭ — tolki pa miedycynskich pakazalnikach.
ŁPP — ustanova z dosyć žorstkimi praviłami: izalavanym pravaparušalnikam, naprykład, nielha mieć dakumienty i hrošy.
Viadoma, što bolšaść ałkaholikaŭ paśla ŁPP pjuć, jak i raniej. 30-35% — epizadyčna. Tych, chto całkam pieramoh chvarobu, — nie bolš za 5%.
Niadaŭna ałkaholikaŭ stali adpraŭlać u lačebna-pracoŭnyja prafiłaktoryi jašče i z arkiestram, pramovami i padarunkami (adbyłosia heta ŭ Minsku i Homieli).
Na pracoŭnym miescy bolš nie pić!
Dyrektyva №1 Prezidenta, jakaja źjaviłasia ŭ 2004 hodzie, zabaraniła ŭžyvać ałkaholnyja napoi na pracoŭnym miescy.
Apošniaje kitajskaje papiaredžańnie
U baraćbie z pjanstvam i debašyrstvam pravaparušalnikam vynosiać vymovy, papiaredžvajuć, čytajuć lekcyi i pakazvajuć videafilmy prafiłaktyčnaha źmiestu. U Viciebsku navat arhanizoŭvać kruhłyja stały z udziełam ałkaholikaŭ, jaki adbyli termin u lačebna-pracoŭnym prafiłaktoryi (ŁPP). Kali ałkaholiki nie źmianiajucca i praciahvajuć asacyjalny ład žyćcia, ich adpraŭlajuć u ŁPP.
Źviarnucca da Boha
...Zaklikajuć ludziej, jakija chvarejuć na ałkahalizm. U Minsku ałkaholikaŭ buduć advozić u carkvu na słužeńni. U Słucku pravasłaŭnyja śviatary zaklikajuć pieramahčy duchoŭnyja prablemy zvarotami da Boha. U viciebskaj vobłaści jość vioska Mosar. Tamtejšy ksiondz Bulka vykaraniaje pjanstva ŭsimi dastupnymi sposabami.
«Suchija» dni
Akcyja hetaha hoda — dni ćviarozaści, jakija projduć va ŭsich haradach. U adzin ź dzion, pryznačanych Ministerstvam unutranych spravaŭ, hramadzianam na ich ža karyść nie daduć mahčymaści nabyć ałkaholnyja napoi.
Paśla 22.00 harełka zabaronienaja
U 2007 hodzie pa inicyjatyvie MUS va Urad byŭ uniesieny zakonaprajekt, jaki abmiežavaŭ čas handlu ałkaholnymi napojami z 9 da 22 hadzinaŭ. Heta datyčycca ŭsiaho asartymientu śpirtnoha, jakoje pradajecca ŭ sietcy roźničnaha handlu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary