thenational.ae
Na minułych vychodnych pamočnik prezidenta Biełarusi pa pytańniach nacyjanalnaj biaśpieki Viktar Łukašenka naviedaŭ zaklučny etap čempijanatu śvietu pa aŭtahonkach u kłasie mašyn «Formuła-1» u Abu-Dabi. Pra heta paviedamlaje Tut.by sa spasyłkaj na miedyja-ofis ŭrada Dubaja.
Akramia Viktara Łukašenki aŭtahonkach ź VIP-łožy hladzieli prezident Armienii Armien Sarkisian, ministr pa spravach moładzi i sportu Azierbajdžana Azad Rahimaŭ, dvojčy premjer-ministr Kazachstana, a siońnia staršynia Kamiteta nacyjanalnaj biaśpieki Karym Masimaŭ, prezident Tatarstana Rustam Minichanaŭ, kiraŭnik Čačni Ramzan Kadyraŭ, były karol Ispanii Chuan Karłas, žonka kniazia Manaka Albiera II Šarlen i inšyja.
thenational.ae
U paviedamleńni ofisa havorycca, što etap Formuły 1 u AAE naviedali mnohija vysokapastaŭlenyja hości «z brackich i družalubnych krain», uklučajučy Saudaŭskuju Araviju, Bachrejn, Małajziju, Maldyvy, Kuviejt, Irak, Hvinieju, Siejšelskija vyspy, Aman, Jehipiet, Uhandu i Braziliju.
U aficyjnym pres-relizie siarod haściej značycca i kiraŭnik Prezidenckaha spartovaha kłuba Dźmitryj Łukašenka.
Viadoma, što starejšy syn prezidenta Biełarusi, jak Minichanaŭ i Kadyraŭ, źjaŭlajucca zaŭsiodnikami Hran-pry Abu-Dabi, zaprašeńnie na jakoje rassyłaje kirujučaja siamja emirata.