Incydent adbyŭsia ŭ viačerni čas. U drenna aśvietlenym miescy chłopiec prystaviŭ nož da žančyny. Bajučysia raspravy, jana prapanavała jamu hrošy i telefon, tolki b nie čapaŭ. Chłopiec admoviŭsia, praciahvaŭ utrymlivać jaje, dama klikała na dapamohu, piša sb.by.
Jaje pačuli dźvie staršakłaśnicy i nakiravalisia da miesca incydentu. Źjaŭleńnie novych ludziej spałochała złamyśnika, jon adpuściŭ svaju achviaru i kinuŭsia preč. Praź niekatory čas anałahičnym čynam jon pavioŭ siabie ź inšaj žančynaj, jakaja taksama spałochałasia i prasiła ničoha drennaha ź joj nie rabić. Ad mahčymaha prymianieńnia naža jaje vyratavaŭ aŭtamabil. Śviatło far jarka aśviatliła zdareńnie, chulihan adstupiŭ i ŭciok u ciemru.
Milicyja nieŭzabavie vyjechała na miesca zdareńnia i zatrymała chłopca. Toj byŭ absalutna pjany. Kali praćvierazieŭ, zajaviŭ, što ničoha nie pamiataje.
- U dačynieńni da 18-hadovaha maładoha čałavieka zaviedziena kryminalnaja sprava pa artykule za złosnaje chulihanstva, jon aryštavany.
Darečy, u śledčym padraździaleńni sprabujuć vyśvietlić asoby śmiełych junych dziaŭčat, jakija, mahčyma, dapamahli žančynie paźbiehnuć ciažkich nastupstvaŭ ad sustrečy z pjanym chulihanam i zaścierahli inšych. Raniej fihurant užo mieŭ prablemy z pravaachoŭnymi orhanami.