Plusavaja tempieratura ŭstalujecca pry kancy tydnia, a sapraŭdnaja viasna pryjdzie ŭ druhoj pałovie sakavika.
Da siaredziny pieršaj dekady sakavika nadvorje ŭ našaj krainie budzie vyznačacca zonaj pavyšanaha cisku, paviedamiŭ načalnik słužby hidramieteaprahnozaŭ Respublikanskaha hidramietcentra Dzmitryj Rabaŭ.
Mienavita tamu da čaćviarha apadkaŭ amal nie budzie, tolki ŭ zachodnich rajonach čakajecca nievialiki karotkačasovy śnieh i mokry śnieh. Na darohach miescami hałalodzica, unačy i ranicaj u asobnych rajonach tuman i namaraź. Tempieratura pavietra siońnia ŭdzień ad minus 3 da plus 3 hradusaŭ, u sieradu ŭnačy minus 1—7, na ŭschodzie da 12 marozu, udzień — 0—6 ciapła.
U druhoj pałovie tydnia na terytoryju Biełarusi zavitaje adnosna ciopłaje pavietra z boku poŭdnia Jeŭropy. Adnak budzie vietrana, što zrobić nadvorje nie vielmi kamfortnym. Časam budzie isci doždž i mokry śnieh. Tempieratura pavietra ŭnačy ad minus 4 da plus 2 hradusaŭ,
udzień — ad minus 1 da 5 ciapła.
Zhodna z papiarednimi doŭhaterminovymi prahnozami, siaredniasutačnaja tempieratura sakavika pavinna być prykładna na 1 hradus vyšejšaja za statystyčnyja pakazčykaŭ (tempieraturnaja norma miesiaca składaje ad minus 4 da plus 1 hradusa), apadki ŭ miežach normy.
Aktyŭnyja viesnavyja pracesy pačnucca nie ź pieršych dzion sakavika.U pieršaj pałovie miesiaca ŭnačy budzie jašče padmarožvać, a ŭdzień tempieratura pavietra budzie vahacca kala nula. Ciaplej stanie ŭ druhoj pałovie sakavika, kali dzionnaja tempieratura pavietra budzie dasiahać 1—8 ciapła, a na poŭdni krainy — padymacca i da plus 9‑‑14 hradusaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary