Na čempijanacie śvietu pa frystajle ź biełarusaŭ u finał trapiŭ tolki Anton Kušnir. Pryziory Alimpijskich hulniaŭ Alaksiej Hryšyn i Źmicier Daščynski nie zmahli pieraadoleć kvalifikacyi.
U japonskim Inavašyra ŭčora pačaŭsia čempijanat śvietu pa frystajle. Siońnia ž startavali spabornictvy łyžnych akrabataŭ, dzie byli spadzievy ŭ biełarusaŭ na miedali.
Ź biełarusaŭ kvalifikacyju pieraadoleŭ tolki Anton Kušnir, adziny ź biełarusaŭ, chto zaŭtra vystupić u finale.
U kvalifikacyjnych spabornictvach z sumaj 247,24 bała jon zaniaŭ 2‑ie miesca, sastupiŭšy tolki 0,69 bała kanadcu Uorenu Šołdajsu.
Lider siezona i ŭładalnik «Kryštalovaha hłobusa» Styŭ Omišl (Kanada) pakazaŭ treci vynik — 245,75 bała.
Pryziory Alimpijskich hulniaŭ Dźmitry Daščynski i Alaksiej Hryšyn, a taksama Cimafiej Śliviec nie trapili ŭ lik 12 najmacniejšych i zhubili ŭsie šancy pazmahacca za miedali čempijanatu.
Śliviec naohuł spyniŭsia ŭ kroku ad zapavietnaha tuzinu, zaniaŭšy 13‑ie miesca. Alaksiej Hryšyn — 16‑ty, Daščynski - 22‑hi z 32 spartoŭcaŭ. Jamu nie ŭdałasia nivodnaja sa sprobaŭ. Śliviec i Hryšyn zavalili pa adnoj sprobie.
Nie prabiłasia ŭ finał i 16‑hadovaja Hanna Huśkova, jakaja ŭpieršyniu debiutavała na takim ŭzroŭni. Jana ŭ kvalifikacyi zaniała 14‑ie miesca i ad 12‑ha miesca jaje adździalili 1,56 bała.
Asol Śliviec i Ałła Cupier u čempijanacie śvietu ŭdziełu nie biaruć praz traŭmy i stan zdaroŭja.
Pierad čempijanatam hałoŭny trenier biełaruskaj zbornaj Mikałaj Kazieka aceńvaŭ stan mužčynskaj zbornaj jak aptymalny, kazaŭšy, što kožnamu z chłopcaŭ pa siłach zmahacca za miesca na pjedestale.
Mienavita na Alimpijskich hulniach u 1998, 2002, 2006 h. biełarusy brali pa miedali ŭ frystajle, a dla Sołt‑Lejk‑Sici i Turynu (heta byli adzinyja biełaruskija ŭznaharody na hulniach). U 2002 h. Hryšyn zavajavaŭ bronzu, u 2006 h. u Turynie-2006 Daščynski zavajavaŭ srebra, jon ža zavajavaŭ bronzu ŭ Nahana‑1998.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary