Dyrektar aeraportu Niša raskazaŭ, što ŭ adzin samalot śvita kiraŭnika Biełarusi nie źmiaściłasia.
Dyrektar aeraportu Niša raskazaŭ, što ŭ adzin samalot śvita kiraŭnika Biełarusi nie źmiaściłasia.
U časie prylotu Łukašenki na ŭźlotnaj pałasie nie było ni arkiestra, ni dziaržaŭnych ściahoŭ, pišuć serbskija hazety. Pavodle vydańnia Press, biełaruski kiraŭnik raźličvaŭ, što nieprykmietna i cicha trapić na adpačynak u Serbiju, a tamu zamiest hałoŭnaha serbskaha aeraportu imia Mikoły Tesły, kudy zvyčajna prybyvajuć asoby takoha ranhu, vybraŭ pravincyjny aeradrom imia Kanstancina Vialikaha ŭ horadzie Niš.
Žurnalisty vydańnia «Viečierńje novosti» hutaryli z kiraŭnictvam hetaha aeraportu.
Dyrektar Drahan Buharynavič udakładniŭ, što ź Miensku prylacieli dva samaloty. Na «Boing 737‑800» byŭ biełaruski kiraŭnik. Na inšaj, mienšaj mašynie «Embrajer» — jaho śvita. Dzieci, unuki, ichnyja niańki, lekary, kuchary, achova dy inšy persanał. Pavodle Buharynaviča, heta prykładna, čałaviek 40.
Raniej serbskaje vydańnie Press, a taksama šerah inšych ŚMI sa spasyłkaj na ŭłasnyja krynicy nazyvali bolš vysokuju ličbu – da 150 čałaviek. Tym časam u hateli Hrand, dzie spyniłasia kamanda biełaruskaha prezydenta, admaŭlajucca havaryć, kolki kankretna numaroŭ i apartamentaŭ zajmajuć biełaruskija hości. Paviedamlajecca, što specyjalna dla vysokich haściej byli terminova vyzvalenyja numary, dzie žyli inšyja pastajalcy. Hetych ludziej pierasialili ŭ astatnija hateli kurortu.
Niahledziačy na pastajannaje prykryćcie vysokaha biełaruskaha hościa jahonymi ŭłasnymi ciełaachoŭnikami dy miascovymi achoŭnikami, serbskim paparacy ŭsio ž udałosia vyjści na śled i navat sfatahrafavać jaho. Jak padaje vydańnie Blic,
Łukašenka da viečaru kataŭsia na łyžach pry dbajnym nahladzie siemiarych ciełaachoŭnikaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary