Nie tak šmat ludziej mohuć skazać Uha Čaviesu zamaŭčać. Ale... Prezident Vieniesueły, čyje pramovy doŭžacca pa piać i bolej hadzinaŭ, paviedamiŭ nadoječy, što daktary zahadali jamu maŭčać cełych try dni, kab ačuniać ad bolaŭ u horle, na jakija Čavies pakutuje apošnim časam.
«Na mianie, peŭna, paŭpłyvała intensiŭnaje vykarystańnie hetaj «harmaty», što mieścicca ŭ maim horle, i tamu lekar zahadaŭ mnie pamaŭčać», — raspavioŭ Čavies ŭściešanym suajčyńnikam u pieradačy, jakuju jon viadzie pa miascovym telebačańni. Čavies sprabavaŭ davodzić doktaru, što maŭčańnie — nie najlepšyja leki dla jaho. «Ja skazaŭ jamu (doktaru): «Druža, rabi ŭsio mahčymaje, ale jak ja mahu pasłuchacca takoha zahadu? Try dni i nie skazać ničoha?! U maim žyćci nie było i dnia, kali ja nie razmaŭlaŭ!»
Apošni, chto sprabavaŭ zakryć rot Čaviesu byŭ Chuan Karłas, karol Ispanii. Na samicie ŭ 2007 hodzie Chuan Karłas, mała nie vyklikaŭšy pa časie dypłamatyčny skandał, skazaŭ Čaviesu, jaki siadzieŭ pobač, zakryć rot.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary