Lehkavik z hrašyma naparoŭsia na samarobnyja kalučki na ŭskrajku Salihorsku. Mašynu raźviarnuła ŭpopierak darohi. Kali buchhałtarka pasprabavała začynicca śsiaredziny, joj u hołaŭ praz škło strelili z abrezu. Paśla zabili j kiroŭcu.
Mašyna z hrašyma dla rabotnikaŭ miascovaha sielhaspradpryjemstva trapiła ŭ zasadu na ŭskrajku Salihorska.
Napad i rasprava zdarylisia prosta na ŭzboččy darohi, jakaja vykarystoŭvajecca ŭ asnoŭnym dla patrebaŭ tutejšaha pradpryjemstva. Pierad vypadkovym kiroŭcam paŭstała vuścišnaja karcina.
Cieły mužčyny j žančyny lažali ŭ łužynie kryvi na biełym śniezie
Złačyncy detalova padrychtavali płan napadu. Lehkavik naparoŭsia na zahadzia ŭstalavanyja samarobnyja kalučki. Mašynu raźviarnuła ŭpopierak darohi. Kali buchhałtarka pasprabavała začynicca śsiaredziny, joj u hołaŭ praz škło strelili z abrezu. Paśla zabili j kiroŭcu. Z sałonu napadniki zabrali 73 miljony rubloŭ — zarobak pracaŭnikoŭ tutejšaha SVK. Niepadalok ad miesca złačynu napadniki razabrali j vykinuli zbroju, sotavyja telefony j pazbylisia vopratki. Znajści ich udałosia pa śledzie ad čaravika.
Viktar Švied, namieśnik načalnika Salihorskaha RAUS, načalnik kryminalnaj milicyi: «Heta maładyja ludzi, narkamany. Hetyja asoby zatrymanyja, vyśviatlajecca, ci datyčnyja jany da złačynstvaŭ».
U milicyi pra prablemnuju moładź viedali, ale nikoli nie padazravali, što za nastupnuju dozu raspłataj stanuć čałaviečyja žyćci.
Vital Daroška, miechanizatar SVK «Balšavik-Ahra»: «Z kiroŭcam praz dva damy susiedzi. Jon śpiašaŭsia zavieźci hrošy. Takaja niedarečnaja śmierć atrymałasia.
Niejak nie vierycca, što jaho niama, dy j što takoje mahło zdarycca ŭ kałhasie našym».
Śledčym jašče naležyć vyśvietlić bahata jakija detali hetaha lutaha napadu. Skul uziałasia j kudy źnikła zbroja, čamu mašyna, jakaja pieravoziła vialikuju sumu hrošaj, nie achoŭvałasia, ci dziejničali złačyncy pa navodcy.
U kiroŭcy zastalisia dvoje, a ŭ žančyny-buchhałtarki — troje dziaciej, — paviedamlaje ANT.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary