62-hadovaj žycharcy Maładziečna dasłali na elektronny paštovy adras paviedamleńnie. Nieviadomy pahražaŭ adpravić zapisanaje videa ŭsim siabram i znajomym, u tym liku z sacyjalnych sietak. Kab zastałosia ŭ tajamnicy toje, čym žančyna zajmałasia ŭ volny čas, nieabchodna było na praciahu 50 hadzin pieraličyć ekvivalent 550 dalaraŭ na pakazany ŭ liście ananimny bitkojn-kašalok, paviedamlaje abłasnaja milicyja.
Dla bolšaj praŭdapadobnaści ŭ jakaści adpraŭnika staić elektronny adras samoj achviary - tak stvarajecca ŭražańnie addalenaha uzłomu.
Praŭda, na hety raz ašukancy «praličylisia». List-vymahalnik byŭ adpraŭleny na elektronnuju poštu adnoj ź miedycynskich ustanoŭ horada. Kampjutaram zajaŭnica karystajecca vyklučna ŭ słužbovych metach. Dy i sproba ŭzłomu małavierahodnaja — na kampjutary ŭstalavanaja antyvirusnaja prahrama.
Pa dadzienym fakcie supracoŭniki Maładziečanskaha RAUS pravodziać pravierku.
Milicyja nahadvaje, što kali vy atrymali padobnaha rodu list, u pieršuju čarhu, ni ŭ jakim razie nie pieravodźcie zapatrabavanuju sumu i nieadkładna paviedamcie ŭ pravaachoŭnyja orhany.
Pamiatajcie, što heta ataka nosić masavy charaktar. Praz rassyłku złamyśniki adpraŭlajuć paviedamleńni dziasiatkam tysiač čałaviek u nadziei, što niekatoryja ź ich, amatary sajtaŭ «dla darosłych», usio ž trapiacca na vudu.