Marzaluk pra sustreču z Łukašenkam: Prahučali vyraznyja pasyły, biez usialakich ekivokaŭ
Alaksandr Łukašenka ŭ svaim zvarocie da parłamientaryjaŭ adrasavaŭ vyraznyja pasyły, biez usialakich ekivokaŭ. Takim mierkavańniem pa vynikach sustrečy padzialiŭsia z žurnalistami deputat Pałaty pradstaŭnikoŭ Ihar Marzaluk, pieradaje BIEŁTA.
U vystupie kiraŭnika dziaržavy byli ahučanyja šmatlikija dasiahnieńni parłamienta za hady niezaležnaj Biełarusi. «Ja dla siabie adznačyŭ: jaki ž kałasalny adrezak času — 25 hadoŭ! I jak mnoha možna zrabić, kali dziejničać metanakiravana. Prezident padzialiŭsia svaimi ŭspaminami rańniaha etapu pabudovy dziaržavy. Samaje hałoŭnaje — što jana, dziaržava, u nas jość i my jaje źbieražem u lubym vypadku», — skazaŭ deputat.
Na jaho dumku, adnym z asnoŭnych pasyłaŭ zvarotu było śćviardžeńnie ab suvierenitecie Biełarusi jak absalutnaj kaštoŭnaści. «Peŭna zajaŭlena, biez usialakich ekivokaŭ, dla ŭsich — Biełaruś była, jość i budzie», — padkreśliŭ parłamientaryj.
Ihar Marzaluk taksama padzialiŭsia emocyjami z nahody atrymańnia ŭznaharody - ordena Pašany, jaki jamu siońnia ŭručyŭ Łukašenka. «Ja, viadoma, vielmi mocna chvalavaŭsia, — pryznaŭsia deputat. — Heta kałasalnaja adkaznaść. Liču, što heta avans, zanadta vysokaja adznaka maich ścipłych zdolnaściaŭ. Hetaja ŭznaharoda da mnohaha abaviazvaje. Ja tak i skazaŭ pry ŭručeńni:» Ja abaviazkova adpracuju». Na što prezident adkazaŭ: «Kudy ž ty dzieniešsia».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary