BČ admianiła ciahnik samaha dalokaha maršrutu ŭ krainie Brest — Kamunary, piša tut.by. Jon byŭ u darozie 876 kiłamietraŭ i prachodziŭ hetuju adlehłaść za 17 hadzin i 1 chvilinu. Jechaŭ z Bresta ŭ Mahiloŭskuju vobłaść praź Pinsk, Łuniniec, Baranavičy, Minsk i Oršu. Ludzi, jakija jeździli hetym ciahnikom z Bresta ŭ Mahiloŭskuju vobłaść, narakajuć, što ciapier im pryjdziecca dabiracca ź pierasadkami, a heta niazručna.
Ciahnik Brest — Kamunary źjaviŭsia ŭ raskładzie ŭ kancy maja 2011-ha, a sa śniežnia 2015 hoda staŭ chadzić štodnia. Spačatku heta byŭ samastojny ciahnik, a zatym — pryčapnyja vahony da ciahnika Brest — Viciebsk. Stancyja Kamunary znachodzicca na dalokaj paŭnočnaj uskrainie rajcentra Kaściukovičy ŭ Mahiloŭskaj vobłaści.
Kanstancin Bajar, namieśnik načalnika pasažyrskaj słužby — načalnik adździeła arhanizacyi pasažyrskich pieravozak Biełaruskaj čyhunki, tłumačyć, što pryčapnyja vahony pramych znosin ciahnika № 658 Brest — Kamunary prybrali z-za taho, što na ŭčastku ad Minska da Viciebska źmianiłasia schiema kursiravańnia ciahnikoŭ. Ad 8 śniežnia pamiž Viciebskam i Minskam buduć jeździć ciahniki mižrehijanalnych linij biźnies-kłasa. I hetyja ciahniki adpraŭlajucca ź Minska i Viciebska i ranicaj, i ŭdzień, i ŭviečary.
Da stancyi Kamunary abo Kryčava z Bresta možna dajechać ciahnikom № 605/606 Brest - Viciebsk ź pierasadkaj na stancyi Mahiloŭ na ciahnik № 633/634. Tak, treba ŭ 5-j ranicy vyjści ŭ Mahilovie i pierasieści na ciahnik da Kamunaraŭ, i, adpaviedna, viečaram taksama čakać ciahnika niekatory čas.
Kali jechać z Bresta da Kryčava praz Oršu, to možna dabracca ciahnikom № 96 i ŭ Oršy pierasieści na ciahnik rehijanalnych linij biźnies-kłasa.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary