U ZŠA raspracavali tabletku-kantraceptyŭ, jakaja dziejničaje miesiac
Amierykanskija daśledniki raspracavali aralny supraćzačatkavy srodak, jaki dastatkova prymać raz na miesiac, piša bbc.com.
Prahłynutaja tabletka zastajecca ŭ straŭniku niekalki tydniaŭ, pavolna vykidajučy ŭ arhanizm žančyny harmony, jakija pieraškadžajuć avulacyi. Pry hetym tabletka nie pierastravoŭvajecca, dziakujučy antykisłotnamu pakryćciu, jakoje baronić jaje ad uździejańnia straŭnikavaha soku.
Finansavaŭ daśledavańni fond Biła i Mielindy Hiejts. Kantraceptyŭ užo prajšoŭ testy na śvińniach, i kamanda raspracoŭščykaŭ spadziajecca, što kliničnyja vyprabavańni na ludziach pačnucca ŭ bližejšyja hady.
Pratatyp novaha srodka zrobleny ŭ formie zorački, pamier raspuščalnaj kapsuły taki, što prahłynuć jaje, choć i ź ciažkaściu, ale možna - u padobnych vypuskajuć, naprykład, rybin tłušč.
Trapiŭšy ŭ straŭnik, «zoračka» raskryvajecca, jak kvietka z šaści pialostkaŭ — u kožnym zapas harmonaŭ. Zoračka zanadta vialikaja, kab prajści dalej u kišačnik. Na praciahu niekalkich tydniaŭ z «pialostkaŭ» vyzvalajecca dziejnaje rečyva, pakul narešcie pustaja abałonka nie vyvodzicca z arhanizmu.
Raspracoŭščyki miarkujuć, što prablem sa stravavańniem i vyparažnieńniem być nie pavinna, stravavod nie pavinien błakavacca.
Fond Hiejtsaŭ ciapier finansuje pracy pa pieratvareńni pratatypu ŭ leki - hetym zajmajecca bijatechnałahičnaja kampanija Lyndra. Jaje śpiecyjalisty ŭžo pačali vypraboŭvać «zoračku» na niekalkich pacyjentach — tolki abałonku, bieź dziejnych rečyvaŭ. Farmakołahi chočuć pierakanacca, što takaja forma dastaŭki lekaŭ u arhanizm biaśpiečnaja i padychodzić dla inšych vypadkaŭ — lačeńnia malaryi, naprykład.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary