Ministerstva justycyi Biełarusi admoviła ŭ rehistracyi pravaabarončamu hramadskamu abjadnańniu «Naša Viasna».
Jak paviedamiŭ BiełaPAN adzin ź inicyjataraŭ stvareńnia arhanizacyi Valancin Stefanovič, list z admovaj byŭ atrymany 3 sakavika. «Heta typovaja admova, zasnavanaja na niejkich niezrazumiełych dapuščeńniach, raśpisanaja na čatyroch staronkach», — skazaŭ jon.
U pryvatnaści, pavodle słoŭ Stefanoviča, Miniust stavić pad sumnieŭ fakt praviadzieńnia ŭstanoŭčaha schodu arhanizacyi, pakolki pamiaškańnie ofisa Abjadnanaj hramadzianskaj partyi, dzie 18 studzienia jon prachodziŭ, vielmi nievialikaje. «Aprača taho, Miniust ličyć, što kvitancyju ab apłacie dziaržpošliny možna nie brać pad uvahu, pakolki ŭ joj nie nazvana arhanizacyja, za rehistracyju jakoj padajecca kvitancyja», — zaznačyŭ V.Stefanovič.
Pavodle słoŭ pravaabaroncy, da zasnavalnikaŭ arhanizacyi pradjaŭlajucca staryja pretenzii: toje, što niekatoryja ź ich raniej pryciahvalisia da administracyjnaj adkaznaści za roznyja pravaparušeńni — udzieł u niesankcyjanavanych akcyjach, raspaŭsiudžańnie vydańniaŭ biez vychadnych źviestak i inšaje.
«Biezumoŭna, my budziem abskardžvać hetuju admovu ŭ Viarchoŭnym sudzie, potym — u staršyni Viarchoŭnaha suda, potym — u Kamisii AAN pa pravach čałavieka, — zajaviŭ Stefanovič. — Pryčym my budziem patrabavać, kab našu skarhu abjadnali z anałahičnaj skarhaj 2007 hoda. Piersanalna ja liču, što ŭ dačynieńni da niepasredna mianie parušajucca kankretnyja maje pravy: prava na svabodu schodaŭ i abjadnańniaŭ, pryčym parušajucca sistematyčna».
Stefanovič nahadaŭ, što 24 červienia 2007 hoda Kamitet pa pravach čałavieka AAN zrabiŭ vysnovu, što svaimi dziejańniami pa likvidacyi HA «Viasna» biełaruskaja dziaržava parušyła punkt 1 artykuła 22 Mižnarodnaha pakta ab hramadzianskich i palityčnych pravach. «Adnak Ministerstva justycyi, a zatym i Viarchoŭny sud Biełarusi praihnaravali rašeńnie Kamiteta pa pravach čałavieka AAN, i sproba zarehistravać hramadskaje abjadnańnie «Viasna» ŭ žniŭni 2007 hoda nie pryniesła vynikaŭ», — dadaŭ pravaabaronca.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu3
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary