Staršynia Biełaruskaha sajuza mastakoŭ adbyŭ na pasadzie dva terminy i sychodzić. Praŭda, hučać hałasy ź idejaj pierapisać statut arhanizacyi, kab Ryhor Sitnica ŭsio ž taki zastaŭsia. 17 śniežnia adbudziecca čarhovy źjezd Sajuza mastakoŭ, jaki abiacaje być niasumnym, piša Narodnaja vola.
«Ja bolš nie źbirajusia bałatavacca, — havoryć pakul jašče dziejny staršynia Sajuza mastakoŭ Ryhor Sitnica «Narodnaj Voli». — Jak kažuć, «ja adpłaciŭ narodu, čym moc maja mahła»… Ja sapraŭdy zrabiŭ dla Sajuza ŭsio, što moh. A dalej niechta inšy budzie kiravać. Ja ŭžo daŭno nie naležu sabie: ni ŭviečary, ni dniom, ni ranicaj. Tamu krychu adpačnu i zajmusia tym, čym chaču. Chaj maładziejšyja, sprytniejšyja prychodziać. Usio vyznačana našym statutam, jaki ja nie źbirajusia parušać».
Pa słovach Sitnicy, jaho asnoŭnaje dasiahnieńnie za 6 hadoŭ u tym, što nie adbyłosia nivodnaha skandału.
«Usio było cicha, mirna, pavažna. I navat va ŭmovach finansavaj niščymnicy my naraścili naš patencyjał. My pieranieśli respublikanskija vystavy na abłasnyja placoŭki, čaho nikoli nie było. Heta značnaje dasiahnieńnie! Zdoleli pašyryć našu majomaść — na paŭtary tysiačy mietraŭ nabyli novy cech dla skulpturnaha kambinata. My zrabili šmat roznych kulturnych abjektaŭ, pomniki pastavili…», — kaža jon.
