Z prodažu zdymajuć 13 ekstremisckich knih, što vydała «Chryścijanskaja inicyjatyva»
U chutkim časie na terytoryi Biełarusi buduć vyklučanyja z abarotu 13 knih, jakija vydała i raspaŭsiudžvała ZAT «Chryścijanskaja inicyjatyva». Zhodna z rašeńniem suda jany pryznanyja ekstremisckimi.
Pra heta paviedamiŭ BiełaPAN načalnik adździeła pa nahladzie za vykanańniem pravoŭ i svabod hramadzian Hienieralnaj prakuratury Pavieł Radzivonaŭ.
Pavodle jaho słoŭ, pieršaradnaja zadača Hienprakuratury zaklučajecca ŭ tym, kab zabiaśpiečyć kanfiskacyju vyšejnazvanaj ekstremisckaj litaratury
z usich krynicaŭ, dastupnych dla pakupnika.«Ciapier pravodzicca abahulnieńnie i analiz usich materyjałaŭ pa ZAT «Chryścijanskaja inicyjatyva» dla nastupnaj pravavoj acenki dziejnaści hetaha tavarystva», — skazaŭ P.Radzivonaŭ.
19 śniežnia 2008 hoda sud Savieckaha rajona Minska pa isku Hienieralnaj prakuratury pryznaŭ, što 13 knih źjaŭlajucca ekstremisckimi, raspalvajuć nacyjanalnuju i relihijnuju varožaść i ŭtrymlivajuć zakliki da nasilnych dziejańniaŭ. Jany byli vydadzienyja ŭ Biełarusi i Rasii i raspaŭsiudžvajucca ŭ sietcy mahazinaŭ «Pravasłaŭnaja kniha» ZAT «Chryścijanskaja inicyjatyva».
Pavodle zaklučeńnia ekśpiertaŭ, źmiest hetych knih nosić antysiemicki charaktar i stvaraje niehatyŭny vobraz iudaizmu.Pry vyniasieńni rašeńnia sudździa Eduard Jakuboŭski abapiraŭsia na artykuł 14 zakona «Ab supraćdziejańni ekstremizmu» i pałažeńni Hramadzianskaha pracesualnaha kodeksa Biełarusi.
Hienieralny dyrektar ZAT «Chryścijanskaja inicyjatyva» Uładzimir Čartovič abskardziŭ dadzienaje rašeńnie ŭ Minskim haradskim sudzie. 26 lutaha kalehija haradskoha suda pakinuła ŭ sile rašeńnie suda Savieckaha rajona stalicy ab pryznańni vyšejnazvanych vydańniaŭ ekstremisckimi.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary