Zialenski i Pucin zajšli ŭ štyki adnosna miažy i hazu, ale damovilisia pra abmien
Sustreča lidaraŭ krain narmandskaj čaćviorki prajšła ŭ Jelisiejskim pałacy ŭ Paryžy.
Prezident Ukrainy Uładzimir Zialenski i prezident Rasii Uładzimir Pucin havaryli pra vybary na Danbasie i adnaŭleńnie ŭkrainskaha kantrolu nad miažoj, ale niejkich damoŭlenaściej nie dasiahnuli.
Pra heta paviedamiŭ surazmoŭca «Ukrainskaj praŭdy» va ŭkrainskaj delehacyi: «Adnosna miažy zajšli ŭ štyki i nie damovilisia».
Pa słovach surazmoŭcy, Pucin nastojvaŭ na tym, što na niepadkantrolnych terytoryjach pavinny spačatku prajści vybary, a ŭžo potym Ukraina atrymaje mahčymaść kantralavać miažu.
Uładzimir Zialenski nie pahadziŭsia z takoj prapanovaj.
Paćviardžaje hetuju infarmacyju i Kommiersant.
U toj ža čas baki ŭzhadnili abmien asobami, što ŭtrymlivajucca, da kanca hoda.
Na pieramovach lidary narmandskaj čaćviorki damovilisia ab praviadzieńni abmienu pałonnymi pamiž Ukrainaj i bajevikami «Ł/DNR» da kanca hoda.
Taksama ŭzhodniena padaŭžeńnie zakona ab asablivym statusie Danbasa, pieradaje Hromadśkie sa spasyłkaj na krynicy ŭ aficyjnaj ukrainskaj delehacyi.
Ukraina i Rasija nie dasiahnuli damoŭlenaści ab novym kantrakcie na tranzit i pastaŭki hazu pa vynikach pieramovaŭ prezidentaŭ, paviedamiŭ vykanaŭčy dyrektar «Naftahaz Ukrainy» Juryj Vitrenka.
Pieršaja dvuchbakovaja sustreča prezidentaŭ Ukrainy i Rasii Uładzimira Zialenskaha i Uładzimira Pucina praciahvałasia kala hadziny.
Pavodle infarmacyi RBK-Ukrajina, pieramovy Zialenskaha i Pucina ŭ farmacie tet-a-tet praciahvalisia 10-15 chvilin. Astatni čas na sustrečy prysutničali členy delehacyi Ukrainy i Rasii.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary