Sud u Kijevie ŭchvaliŭ rašeńnie pra praśpiekty Bandery i Šuchieviča
Šosty apielacyjny administracyjny sud u Kijevie pastanaviŭ nazvać dva praśpiekty ŭ stalicy Ukrainy imionami Ściapana Bandery i Ramana Šuchieviča, piša Radyjo Svaboda.
Hety sud padtrymaŭ zakonnaść nazvaŭ dźviuch kijeŭskich praspektaŭ i skasavaŭ advarotnaje rašeńnie suda pieršaj instancyi, paviedamili ŭkrainskaj słužbie Radyjo Svaboda jurysty i palityki, jakija ŭdzielničali ŭ sudovym pracesie.
Haradskaja rada Kijeva pryniała rašeńnie ab pierajmienavańni praspekta, nazvanaha ŭ honar savieckaha hienierała Vatucina imiem Ramana Šuchieviča — lidara Ukrainskaj paŭstanckaj armii — u červieni 2017. Hodam raniej byŭ pierajmienavany Maskoŭski praśpiekt. Jaho nazvali imiem Ściapana Bandery — adnaho ź ideołahaŭ ukrainskaha nacyjanalistyčnaha ruchu XX st. Jaho abvinavačvajuć u dačynieńni da etničnych čystak na zachadzie Ŭkrainy. U 1959 hodzie jon byŭ zabity ŭ Miunchienie ahientam KDB Bahdanam Stašynskim.
Kamientary