U 34 hady pamior natchnialnik znakamitaha Ice Bucket Challenge. Jon byŭ nievylečna chvory
U ZŠA pamior były amierykanski biejsbalist Pit Frejts, jaki pakutavaŭ na bakavy amijatrafičny skleroz. Frejts byŭ natchnialnikam fłešmoba Ice Bucket Challenge, paviedamlajuć «Iźviestija» sa spasyłkaj na sajt Bostanskaha kaledža.
«Pit pamior u atačeńni svajoj siamji va ŭzroście 34 hadoŭ paśla hieraičnaj baraćby z bakavym amijatrafičnym sklerozam», - havorycca ŭ zajavie siamji Frejtsa.
Rodnyja spartsmiena padkreślili, što Frejts nikoli nie skardziŭsia na chvarobu, zamiest hetaha «jon byŭ poŭny rašučaści źmianić trajektoryju» svajoj nievylečnaj chvaroby i «dać nadzieju inšym pacyjentam i ich siemjam».
Uletku 2014 hoda Pit Frejts staŭ natchnialnikam fłeš-mobu Ice Bucket Challenge, pavodle praviłaŭ jakoha ŭdzielniki pavinny byli ablicca viadrom ledzianoj vady, a zatym pieraličyć hrošy ŭ fond ALS Association i pieradać estafietu jašče trom udzielnikam.
Metaj kampanii źjaŭlałasia pavyšeńnie abaznanaści ab bakavym amijatrafičnym sklerozie i finansavańnie vyvučeńnia hetaha nievylečnaha zachvorvańnia.
Paviedamlajecca, što ŭ fłešmobie pryniali ŭdzieł amierykanskija akciory Uił Śmit, Vin Dyziel, Eštan Katčar, Ben Aflek, Tom Kruz, Džon Travołta, śpiavački Łedzi Haha, Sielena Homies, Keci Pery, Brytni Śpirs, Ryjana, Šakira, repier Eminiem, zasnavalnik Microsoft Bił Hiejts i mnohija inšyja. Rabiŭsia čelendž i ŭ Biełarusi.
Na hetu chvarobu taksama pakutavaŭ viadomy brytanski fizik-tearetyk Styvien Chokinh, jaki pamior u 2018 hodzie, a taksama Styvien Chilenbierh — stvaralnik Hubki Boba Kvadratnyja Štany, marski bijołah pa adukacyi. Jon pamior u listapadzie 2017 hoda.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary