Prezident Ukrainy Uładzimir Zialenski ličyć, što minskija pahadnieńni źjaŭlajucca dypłamatyčnaj parazaj Ukrainy. Z takoj zajavaj jon vystupiŭ na bryfinhu pa vynikach samita «narmandskaj čaćviorki», tranślacyju jakoha na YouTube vioŭ telekanał «112 Ukraina».
Samaj vialikaj parazaj u minskich pahadnieńniach Zialenski nazvaŭ pytańnie atrymańnia Kijevam kantrolu nad rasijska-ŭkrainskaj miažoj na Danbasie. Jon udakładniŭ, što, pa jaho asabistaj dumcy, pytańnie ź miažoj pavinna być vyrašana da praviadzieńnia na terytoryjach samaabvieščanych respublik vybaraŭ, a nie tak, jak prapisana ŭ minskich pahadnieńniach. Sutnaść supiarečnaściaŭ jon patłumačyŭ tym, što dla Ukrainy prablema kantrolu nad miažoj źjaŭlajecca pytańniem biaśpieki, a dla Rasii — pytańniem palityki.
Prezident Ukrainy adznačyŭ, što padčas pieramovaŭ «narmandskaj čaćviorki» jon pasprabavaŭ danieści svoj punkt hledžańnia da Uładzimira Pucina, adnak rasijski prezident zajaviŭ, što «nie bačyć inšaha vyjścia», akramia jak prytrymlivacca pieršapačatkovych damoŭlenaściej.
«My zakładniki Minska», — kanstatavaŭ Zialenski.
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary