Tydzień Prančaka: jon sudzicca sa «Źviazdoj», «Hrodzienskaj praŭdaj» i «SB»
Na hetym tydni Sudovaja kalehija pa spravach intelektualnaj ułasnaści Viarchoŭnaha suda budzie razhladać adrazu try spravy, pazoŭnikam pa jakich vystupaje paet Leanid Prančak.
10 śniežnia zapłanavany sud z vydavieckim domam «Biełaruś siońnia», 12 śniežnia — z «Hrodzienskaj praŭdaj», 13 śniežnia — sa «Źviazdoj».
U čym sutnaść pretenzij?
Naprykład, «Źviazda» budzie adkazvać za vieršy Prančaka, apublikavanyja ŭ 2002-2007 hadach u piesiennaj rubrycy. Na apošniaj staroncy haziety drukavalisia noty da viadomych biełaruskich piesień. Pryčym vierš-himn «Krasuj, Biełaruś!» patrapiŭsia navat dvojčy.
Cikava, što Prančak užo sudziŭsia z «SB» za vieršy z 2000-ch. Niekalki hadoŭ tamu vydaviecki dom pahadziŭsia vypłacić jamu prykładna 1800 rubloŭ.
Kamientary