U Ivacevickim rajonie zabojcu ŭłasnaha dziciaci znajšli praz 14 hadoŭ
Vosieńniu 2005 hoda na palihonie dla ćviordych bytavych kamunalnych adkidaŭ kala v. Michnavičy Ivacevickaha rajona byŭ znojdzieny trup novanarodžanaha dziciaci — chłopčyka. Supracoŭnikami pravaachoŭnych orhanaŭ ŭstanoŭlena: kantejniery dla śmiećcia byli dastaŭleny siudy ź placoŭki pa vuł. 70 hadoŭ Kastryčnika i ź placoŭki adnoj bujnoj vioski, što znachodzicca kala Ivacevičaŭ, paviedamlajuć ivatsevichy.by.
Z 2005 da 2019 hoda milicyja apytvała i daśledavała abstaviny žyćcia bolš za 1000 žančyn dzietarodnaha ŭzrostu. Asablivaja ŭvaha nadavałasia tym žančynam, chto pakinuŭ Ivacevičy i rajon i źjechaŭ. U minułym hodzie rabota była ŭzmocniena. Na dapamohu pryjšli novyja technałohii: sučasnaja hienatypaskapičnaja ekśpiertyza takuju pracu dazvalaje pravodzić masava i maštabna. Tolki za 2019 hod pravierana niekalki socień žančyn Ivacevickaha rajona. U chodzie daśledavańnia hienom zahinułaha chłopčyka pakazaŭ poŭnaje supadzieńnie z hienomam adnoj z žančyn. Jana zatrymanaja i pryznałasia, što 14 hadoŭ tamu naradziła i zadušyła chłopčyka…
Načalnik adździaleńnia kryminalnaha vyšuku Ivacevickaha RAUS Alaksandr Kikun kaža, što hienietyčnyja charaktarystyki — pastajannyja, nie źmianiajucca na praciahu žyćcia čałavieka. Naiŭna dumać, što praz 10-15 hadoŭ jany stanuć inšymi. Tamu, vyłučyŭšy hienom zahinułaha chłopčyka, my mahli być upeŭnienymi: dzieści jość čałaviek — jaho maci — u jakoj budzie poŭnaje supadzieńnie. U vypadku z hetym niaščasnym chłopčykam supadzieńnie jaho z maci - adzin na 10 miljonaŭ. Tak u nas u Biełarusi niama stolki nasielnictva!»
Bolšaść žančyn Ivacevickaha rajona z razumieńniem pastavilisia da nieabchodnaści prajści daśledavańnie: mazok z-za ščaki. Darečy, heta žančyna admaŭlałasia prachodzić ekśpiertyzu, vidać, razumiejučy, što heta całkam jaje raskryje.
Hetaja žančyna va ŭzroście ad 35 da 40 hadoŭ, jana šmatdzietnaja (naradziła troch dziaciej), maje vyšejšuju adukacyju, raźviedzienaja. Ciapier jana znachodzicca ŭ izalatary.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary