21-hadovaja minčanka skrała ŭ mimalotnaha znajomaha 19000 rubloŭ i pajechała ŭ Homiel na taksi
U milicyju źviarnuŭsia hramadzianin Uźbiekistana, maŭlaŭ, u jaho skrali hrošy. Padazravaŭ jon 21-hadovuju dziaŭčynu, ź jakoj napiaredadni paznajomiŭsia ŭ bary, paviedamlaje staličnaja milicyja.
Mužčyna zaprasiŭ dziaŭčynu da siabie. Ranicaj, kali pračnuŭsia, vyjaviŭ prapažu hrošaj: 190 rubloŭ, 3000 rasijskich rubloŭ i 20 dalaraŭ.
Dla taho, kab urehulavać kanflikt samastojna, mužčyna patelefanavaŭ svajoj novaj znajomaj z prośbaj viarnuć hrošy. Dziaŭčyna paabiacała viarnuć usiu sumu. Jana znoŭ pryjšła da mužčyny, a na nastupny dzień nie daličyŭsia ŭžo 19000 rubloŭ. Paśla źniknieńnia bujnoj sumy hrošaj haspadar źviarnuŭsia pa dapamohu ŭ milicyju.
Apieratyŭniki ŭstanavili miescaznachodžańnie dziaŭčyny. Jana była zatrymanaja ŭ arandavanaj kvatery horada Homiela. Hrošaj pry sabie ŭ jaje praktyčna nie było. Dziaŭčyna patłumačyła apieratyŭnikam, što častku hrošaj jana pieraviała na kartu svajakam, častku patraciła na adzieńnie i taksi sa stalicy ŭ abłasny centr.
21-hadovaja minčanka pracuje pradaŭcom i raniej da kryminalnaj adkaznaści nie pryciahvałasia.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary