Biełarusy nazvali lubimyja apteki. Najlepšaj stała sietka «Dobryja leki», na druhim miescy — ADEL. Pieramožcam premii «Narodnaja marka» staŭ najbujniejšy ŭ krainie farmaceŭtyčny chołdynh «Apteka Hrup».
Najlepšyja sietki aptek u Biełarusi vyznačyła narodnaje apytańnie. Jaho arhanizatary raspaŭsiudzili kala 3 miljonaŭ ankiet pa ŭsioj krainie i atrymali bolš za 440 tysiač hałasoŭ. Respandenty nie prosta abirali varyjanty sa śpisu, a nazyvali ich na pamiać. Taki padychod dazvoliŭ vyśvietlić, jakim handlovym markam pa-sapraŭdnamu daviarajuć biełarusy i rajać inšym.
Lubimymi aptekami biełarusaŭ stali «Dobryja leki». Jany ŭpeŭniena pieramahli ŭ bolšaści rehijonaŭ. Druhoje miesca zaniała sietka ADEL, jakaja asabliva papularnaja ŭ Minsku i Viciebskaj vobłaści. Hetyja aptečnyja handlovyja marki ź vialikim adryvam lidziravali ŭ hałasavańni pa ŭsioj krainie.
Sietka «Dobryja leki» ŭklučaje kala 150 aptek va ŭsich rehijonach i ličycca najbujniejšaj u krainie. Jana viadomaja svajoj stratehijaj pa pavyšeńni dastupnaści lekavaj dapamohi, jakoj damahajecca za košt nizkich nacenak, pradumanaj łahistyki i pracy z bujnymi pastaŭščykami. U vieraśni da «Dobrych lekaŭ» pierajšli kala 60 aptek sietki «Kłapatlivaja apteka», jakija ŭ bližejšy čas čakaje rebrendynh.
ADEL u svaju čarhu naličvaje bolš za 100 aptek. Ich adroźnivaje pašyrany vybar tavaraŭ i prafiesijnyja kansultacyi. Sietka raźvivaje ideju pavyšeńnia jakaści žyćcia biełarusaŭ, a razam ź lekami prapanuje miedycynskuju techniku, kaśmietyku i tavary dla zdarovaha charčavańnia. U hetym hodzie ŭ ADEL padrychtavali i pracaŭładkavali piensijanieraŭ pa prahramie «Starejšy śpiecyjalist», kab unieści ŭkład u baraćbu z pracoŭnaj dyskryminacyjaj pa ŭzroście.
Kamientary