Pra zdareńnie Volha Hleb raskazała «Našaj Nivie».
Volha śćviardžaje, što pradavačka jaje mahiloŭskaj kramy Valeryja Miskievič skrała 5000 biełaruskich rubloŭ i ŭciakła.
«Ciapier ja znachodžusia ŭ Mahilovie. Napisała zajavu ŭ milicyju, u kramie pracuje adździeł pa baraćbie z ekanamičnymi złačynstvami», — raspaviadaje žančyna.
Šou-rum u Mahilovie Volha Hleb adkryła dva miesiacy tamu.
«Prodažy tut byli navat lepšyja, čym u Minsku. Z Valeryjaj u nas byli dobryja adnosiny. I jaje ŭčynak — heta hrom pasiarod jasnaha nieba. Spačatku jana nie brała trubku, paśla kazała, što chvareje, paśla vydumała historyju, što ŭ jaje pamierła babula… Dziaŭčynie ŭsiaho 20 hadoŭ, jana nie baicca ničoha», — narakaje Volha Hleb.
Jana ŭpeŭniena, što kramu ŭ Mahilovie začynić nazaŭždy.
