Chacieŭ pažartavać, ale niešta pajšło nie tak. U Barysavie mužčyna padyšoŭ da milicyjanieraŭ z hranataj u ruce
Žychar Barysava z hranataj u ruce paprasiŭ milicyjanieraŭ dapamahčy jamu na vulicy Čapajeva dniom 20 śniežnia, paviedamlaje milicyja.
Mužčyna raspavioŭ supracoŭnikam departamienta achovy, što chacieŭ pažartavać z pryjaciela i vyciahnuŭ z hranaty zahvazdku, jakuju zatym zhubiŭ. Nie viedajučy, što rabić, staŭ šukać dapamohi.
Pravaachoŭniki akuratna zafiksavali hranatu i pakłali jaje na ziamlu, nakryŭšy kaskaj i abkłaŭšy broniekamizelkami da pryjezdu sapiorna-piratechničnaj hrupy. Miascovaść ačapili. Śpiecyjalisty vyznačyli, što pradmiet źjaŭlajecca mulažom dla hulni ŭ strajkboł.
Niaŭdačlivaha žartaŭnika — 45-hadovaha miascovaha žychara — zatrymali.
Kamientary