Radyjo Svaboda
U Minsku praciahvajucca sudy nad udzielnikami masavych akcyj suprać pahłyblenaj intehracyi z Rasijaj. 27 śniežnia zapłanavana bolš za dziasiatak sudoŭ. Usich sudziać pa artykuły 23.34 KaAP — udzieł u niesankcyjanavanym masavym mierapryjemstvie, paviedamlaje spring96.org
Adzin z kiraŭnikoŭ KCHP BNF Aleś Čacholski atrymaŭ 15 sutak aryštu.
Raniej siońnia byli asudžanyja moładzievy aktyvist Stas Šašok (15 sutak) i Leanid Kułakoŭ (za akcyju 7 śniežnia jon atrymaŭ 10 sutak aryštu, a za akcyju 8 śniežnia — 1 275 rubloŭ štrafu).
Bolšaść atrymlivaje štrafy. Tak Juraś Hubarevič atrymaŭ 765 rubloŭ štrafu, Maja Navumava — 1275 rubloŭ, Dzianis Jurkievič, Antoś Žyłko — 637,5 rubla, Halina Łahackaja, Piatro Markiełaŭ, Andrej Rohaŭ — 765 rubloŭ.
Učora na 15 sutak byŭ adpraŭleny Pavieł Sieviaryniec (jon taksama byŭ aštrafavany, 5 sutak atrymała Alena Tałstaja.
