Z 1 studzienia Biełaruś spyniła pastaŭki naftapraduktaŭ za miažu: bienzinu ŭsich marak, hazy, dyzielu, mazuty i hetak dalej.
Heta zroblena dla «zabieśpiačeńnia patrebaŭ narodnaj haspadarki». Adpaviednuju vytrymku z pastanovy Saŭmina ŭ svaim telehram-kanale apublikavaŭ žurnalist «Našaj Nivy» Arciom Harbacevič.
Dziejničaje pastanova da «asablivaha rasparadžeńnia».
Ekspart naftapraduktaŭ — adna z asnoŭnych krynic prybytku biełaruskaha biudžetu.
Siońnia stała viadoma, što ad 1 studzienia Rasija spyniła pastaŭku nafty dla biełaruskich naftapierapracoŭčych zavodaŭ.
NPZ pracujuć sa źnižanaj zahruzkaj na reštkach syraviny, što byli nazapašanyja ŭ śniežni. Novyja kantrakty na pastaŭku nafty pakul nie padpisanyja.
Nahadajem, što 31 śniežnia pres-sakratar prezidenta Rasii, adkazvajučy na pytańni žurnalistaŭ, prapanavaŭ u adnosinach ź Biełaruśsiu «apakaliptyčnyja scenary» nie abmiarkoŭvać — «pakul».
U svaju čarhu, Alaksandr Łukašenka 31 śniežnia daŭ zahad uradu zabiaśpiečyć ŭžo ŭ najbližejšyja dni pastaŭku nafty z alternatyŭnych krynic. Pierš za ŭsio razmova idzie ab pastaŭkach čyhunačnym transpartam z partoŭ na Bałtycy, a taksama ab zadziejničańni dla alternatyŭnych pastavak naftapravoda «Družba».
Pry hetym, jak stała viadoma, kiraŭnik «Hazproma» Alaksiej Miler i pasoł Biełarusi ŭ Rasii Uładzimir Siamaška padpisali pratokoł pra ceny na haz dla Biełarusi tolki na studzień i luty 2020 hoda. U hetyja dva miesiacy cana dla Biełarusi zastaniecca na raniejšym uzroŭni — $127 za tysiaču kubamietraŭ.
Rasija trymajecca raniejšaj taktyki: trymać krainy na maksimalna karotkich kantraktach na pastaŭki enierhanośbitaŭ. U vypadku krain-satelitaŭ, kantrakty abumoŭlivajucca taksama šeraham palityčnych umoŭ.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary