ŚMI: Iran rychtuje kibierataki na ZŠA ŭ adkaz na zabojstva Sulejmani, a taksama moža napaści na Izrail
Amierykanskaja administracyja rychtujecca da taho, što iranskija ŭłady ŭ adkaz na zabojstva ŭ Iraku hienierała Kasiema Sulejmani mohuć ździejśnić kibierataki suprać ZŠA. Pra heta paviedamiŭ u piatnicu partał navinaŭ Axios sa spasyłkaj na svaje krynicy va ŭradzie, piša tass.ru.
Pa ich słovach, amierykanskija ŭłady «adčuvajuć asablivuju zaniepakojenaść» u suviazi z mahčymym praviadzieńniem Tehieranam kibieratak. Taki krok jany ličać «najbolš vierahodnym» u adkaz na zabojstva iranskaha hienierała.
«Prezident [ZŠA Donald Tramp], jaki chacieŭ viarnuć dadomu vojski, zaraz uciahnuty ŭ samy napružany kanflikt ź Iranam u najnoŭšaj historyi. <…> Ciapier Trampu daviadziecca rychtavacca da biesprecedentnaj reakcyi z boku Irana i, chutčej za ŭsio, da ŭzmacnieńnia napadaŭ na amierykanskija vojski na Blizkim Uschodzie», - ličyć partał.
U pryvatnaści, na dumku Axios, havorka moža iści i pra napad na Izrail, jaki źjaŭlajecca sajuźnikam ZŠA.
U čaćvier kiraŭnik upłyvovaj niaŭradavaj arhanizacyi Rada pa mižnarodnych spravach Ryčard Chaas, jaki zajmaŭ raniej pasadu kiraŭnika adździeła palityki ŭ Dziarždepartamiencie ZŠA, adznačyŭ: «Možacie nie sumniavacca, lubaja vajna ź Iranam nie budzie padobnaja na vajnu ŭ Piersidskaj zatocy 1990 hoda abo vajennyja dziejańni ŭ Iraku 2003 hoda. Jana budzie vieścisia pa ŭsim rehijonie z vykarystańniem šyrokaha śpiektru srodkaŭ suprać šyrokaha śpiektru cyvilnych, ekanamičnych i vajennych celaŭ. Rehijon (a mahčyma i śviet) stanie polem boju», - napisaŭ jon.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary