Zaŭziatary chakiejnaha «Dynama» tłusta patrolili kiraŭnictva kłuba nakont šakaładak ad Łukašenki FOTAFAKT
Zaŭziatary minskaha «Dynama» vyviesili ŭ niadzielu na matčy KCHŁ z maskoŭskim «Spartakom» źjedlivy banier u adras kiraŭnictva kłuba, paviedamlaje Tut.by.
Na vializnaj raściažcy było napisana «Raniej vajavali za sercy, a ciapier — za šakaładki».
Litara «D» pry hetym była vykanana ŭ vyhladzie simvała tavarystva «Dynama». Paśla słova «serca» zaŭziatary napisali № 29, pad jakim hulaŭ Uładzimir Cypłakoŭ. U hety dzień u honar zahinułaha ŭ minułym hodzie chakieista padniali jaho džersi pad «Minsk-Arenaj».
Nahadajem, što hienieralny dyrektar minskaha «Dynama» Dźmitryj Baskaŭ taksama kiruje kamandaj Łukašenki. Pa słovach Baskava, paśla kožnaj hulni Alaksandr Łukašenka ŭručaje najlepšamu hulcu matču padpisanuju šakaładku, za jakuju ŭsie zmahajucca.
Za kamandu Łukašenki na Kaladnym turniry taksama hulaŭ trenier i spartyŭny dyrektar «Dynama» Michaił Hraboŭski. Bolš za toje, dziela hetaha jon pakinuŭ trenierski mastok «zubroŭ» pa chodzie matču z «Kuńłuniem» pry liku 1: 2. Taja sustreča zaviaršyłasia ŭ vyniku 1:5.
Učora ž «Dynama» ŭ čempijanacie KCHŁ prajhrała «Spartaku» ź likam 1:5. Kamanda zajmaje apošniaje, 12-je miesca na Zachadzie, adstavańnie ad zony płej-of składaje 18 bałaŭ, a ad 10-ha miesca — 11 bałaŭ.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary