Kanhres za niezaležnaść pryznačyli na 15 sakavika. Ale kandydataŭ u prezidenty tam vyznačać nie buduć
Papiaredni kanhres prajšoŭ u śniežni 2014 hoda i byŭ niešmatludny, fota Siarhieja Hudzilina
Usiebiełaruski kanhres za niezaležnaść płanujecca pravieści 15 sakavika 2020 hoda, u dzień pryniaćcia Kanstytucyi 1994 hoda, paviedamlaje Radyjo Svaboda sa spasyłkaj na pres-reliz arhkamiteta.
«Arhanizatary bačać Kanhres sapraŭdy ŭsiebiełaruskim forumam, jaki pradstavić intaresy demakratyčnaj apazicyi, hramadzianskaj supolnaści. Tamu heta budzie nie stolki źjezd palityčnych partyj, kolki vialiki schod pradstaŭnikoŭ šyrokich kołaŭ biełaruskaha narodu. Taki farmat stanie jašče bolš vierahodnym, kali niekatoryja palityčnyja struktury pastaviać svaje hrupavyja intaresy vyšej za ahulnanacyjanalnyja», — havorycca ŭ pres-relizie.
Pavodle arhanizataraŭ, na kanhresie nie planujecca naminacyja pretendentaŭ na ŭdzieł u «prezidenckaj kampanii». Adnak prapanujecca vykazać na im staŭleńnie da vybarčaha zakanadaŭstva i «vybaraŭ» u Biełarusi.
Pavodle arhanizataraŭ, ahulnaja kolkaść udzielnikaŭ budzie bolšaj, čym na papiarednim kanhresie ŭ 2014 hodzie — tady ŭziali ŭdzieł 63 delehaty.
U suviazi z praciaham represij suprać abaroncaŭ niezaležnaści vyrašana vybrać piać sustaršyniaŭ arhkamiteta. Siarod ich Alena Anisim, Michaił Pastuchoŭ, Ihar Rynkievič i Pavieł Sieviaryniec. Piatuju pasadu pakinuli vakantnaj, bo čakajecca dałučeńnie jašče niekalkich partyj i bujnych hramadskich arhanizacyj, i ad adnoj ź ich budzie abrany jašče adzin sustaršynia arhkamitetu. Mižnarodnym sakratarom arhkamiteta kanhresu abranaja Alena Krušeŭskaja.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary