Hienieralny dyrektar Xiaomi Łej Cziuń (Lei Jun) u honar dziesiacihodździa kampanii raspavioŭ ab jaje historyi. U pryvatnaści, Cziuń raskryŭ sakret źjaŭleńnia nazvy karparacyi, piša lenta.ru sa spasyłkaj na Mydrivers.
Pa słovach top-mieniedžara, zasnavalniki śpiarša spynilisia na dvuch varyjantach: Red Star i Xuande. Ad pieršaha pryjšłosia admovicca, tak jak na rynku ŭžo isnavała kampanija z takoj ža nazvaj, ad druhoha - z-za niemiłahučnaści. U pašyrany śpis taksama patrapili nazvy Qianqi, Antong, Lingxi i inšyja.
Cziuń raspavioŭ, što ŭ vyniku jaho partniory spynilisia na viersii Xiaomi i ŭdakładniŭ, što nazva nosić simvaličny charaktar. Pa-pieršaje, «mi» u kancy hetaha słova aznačaje mabilny internet (mobile internet), na raźvićcio jakoha Xiaomi płanavała zrabić upor. Pa-druhoje, kančatak źjaŭlajecca abrevijaturaj nazvy filma «Misija nievykanalnaja» (Mission: Impossible). Łej Cziuń patłumačyŭ, što ŭ novaj kampanii razumieli, što im pryjdziecca prykłaści šmat sił, kab kankuryravać ź lidarami rynku.
Pieršaja sustreča zasnavalnikaŭ Xiaomi adbyłasia 14 studzienia 2010 hoda. Aficyjnaj dataj zasnavańnia karparacyi ličycca 6 krasavika 2010 hoda. Na dadzieny momant Xiaomi źjaŭlajecca adnym ź lidaraŭ kitajskaha i hłabalnaha rynku smartfonaŭ i zajmajecca vytvorčaściu tavaraŭ u siehmiencie spažyvieckaj elektroniki.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary