Kolkaść paciarpiełych u vyniku skidu avijapaliva ekipažam pasažyrskaha samalota avijakampanii Delta Air Lines nad miastečkam Kadachi pad Łos-Andžełasam (štat Kalifornija) vyrasła da 44 čałaviek, piša tass.ru.
Paliva trapiła na terytoryju čatyroch pačatkovych škoł. Ahulnaja kolkaść paciarpiełych składaje 44 čałavieki, u tym liku nie mienš za 20 dziaciej. Usie jany admovilisia ad špitalizacyi paśla pieršaj miedycynskaj dapamohi.
Fiederalnaje avijacyjnaje ŭpraŭleńnie (FAU) ZŠA pravodzić rasśledavańnie abstavinaŭ incydentu, jaki zdaryŭsia padčas rejsu Łos-Andžełas - Šanchaj avijakampanijaj Delta Air Lines. Ekipaž padaŭ sihnał tryvohi paśla vyletu z aeraporta Łos-Andžełasa, samalot viarnuŭsia ŭ punkt vyletu i pryziamliŭsia biez zdareńniaŭ.
«Isnujuć praviły skidu paliva z samalotaŭ. Hetyja praviły patrabujuć skidać paliva nad zahadzia adviedzienymi nienasielenymi zonami, zvyčajna na vialikaj vyšyni, kab paliva raspyliłasia da sutyknieńnia ź ziamloj», - patłumačyła FAU.
Delta patłumačyła dziejańni ekipaža nadzvyčajnaj situacyjaj, jakaja patrabavała pazbavicca ad paliva dla źnižeńnia masy samalota pierad pasadkaj.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)