Uta Capf: Dyjałoh Jeŭropy idzie «bolš žyva i kanstruktyŭna» jak z parłamientam, hetak i z Administracyjaj prezidenta.
Dyjałoh Jeŭropy idzie «bolš žyva i kanstruktyŭna» jak z parłamientam, hetak i z Administracyjaj prezidenta.
Takoje mierkavańnie vykazała žurnalistam staršynia rabočaj hrupy pa Biełarusi Parłamienckaj asamblei ABSIE Uta Capf 11 sakavika ŭ Minsku pierad pačatkam sieminara «Palapšeńnie klimatu dla zamiežnych inviestycyj».
Jak zaznačyła U.Capf, upieršyniu taki sieminar pravodziŭsia dva hady tamu i byŭ pryśviečany pytańniam mahčymaha ŭdziełu Biełarusi ŭ jeŭrapiejskaj palitycy dobrasusiedstva. Jana padkreśliła, što hetym razam arhanizavać sieminar było značna lahčej — ciapierašniaje mierapryjemstva pravodzicca ŭ toj čas, kali jaho tema asabliva aktualnaja. Pavodle jaje słoŭ, ciapier najbolš važna stvaryć u Biełarusi ramačnuju asnovu, jakaja budzie sadziejničać pryciahnieńniu inviestycyj.
Kažučy ab źmianieńni situacyi ŭ Biełarusi, U.Capf zaznačyła, što hetyja pieramieny nie źjaŭlajucca radykalnymi, «ale važna, što jany jość, što ŭrad choča vieści dyjałoh i maje namier pierahledzieć zakanadaŭstva, kab pryvieści jaho ŭ adpaviednaść ź jeŭrapiejskimi standartami». Jana taksama padkreśliła, što na sustrečach z aficyjnymi pradstaŭnikami Biełarusi «zaŭsiody havorka idzie ab standartach ABSIE i vykanańni ich». U.Capf taksama zaznačyła, što delehacyja PA ABSIE 10 sakavika sustrełasia z pradstaŭnikami apazicyi i niaŭradavych arhanizacyj. «My adčuli, što ich žyćcio stała lahčejšym, ale prahres moh by być bolš prykmietnym», — skazała Uta Capf.
Sieminar, jaki siońnia prachodzić u Minsku, arhanizavany rabočaj hrupaj PA ABSIE pa Biełarusi pry padtrymcy niamieckaha Fondu imia Frydrycha Ebierta i minskaha ofisa ABSIE.Siarod jaho ŭdzielnikaŭ — vysokapastaŭlenyja biełaruskija čynoŭniki, delehacyja PA ABSIE, jakaja znachodzicca ŭ Minsku, pradstaŭniki Jeŭrakamisii, Jeŭrapiejskaha banka rekanstrukcyi i raźvićcia.
Padčas sieminara płanujecca abmierkavać pytańni inviestycyjnaha supracoŭnictva Biełarusi i krain — členaŭ Jeŭrasajuza, padtrymki małoha i siaredniaha biźniesu, inviestycyjnyja mahčymaści Biełarusi.
Napiaredadni vizitu ŭ Minsk kiraŭnik rabočaj hrupy pa Biełarusi PA ABSIE Uta Capf nazvała minski sieminar «viachoj u pracy hrupy pa naładžvańni dyjałohu pamiž uradam i apazicyjaj Biełarusi ŭ metach raźvićcia demakratyi». «My spadziajomsia, što akcentavańnie ŭvahi na palapšeńni klimatu dla pramych zamiežnych inviestycyj u hety niaprosty finansavy čas padkreślić nieabchodnaść jašče bolšaha supracoŭnictva ŭ śfiery ABSIE», — zajaviła Capf.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary