Kala 100 mužčyn pryciahnuli da adkaznaści za prastytucyju ŭ Biełarusi za hod
U Biełarusi kala 2500—3000 žančyn i mužčyn zajmajucca prastytucyjaj. Takuju ličbu ŭ prahramie «Markaŭ. Ničoha asabistaha» na ANT nazvaŭ načalnik Hałoŭnaha ŭpraŭleńnia pa narkakantroli i supraćdziejańni handlu ludźmi kryminalnaj milicyi MUS Hienadź Kazakievič.
— Nie adkryju tajamnicu, kali skažu, što my viedajem 2500—3000 asob abodvuch pałoŭ, jakija zajmajucca prastytucyjaj u Respublicy Biełaruś. Dla našaj krainy heta paraŭnalna niašmat, — cytuje Kazakieviča tut.by.
Pavodle biełaruskich zakonaŭ, spažyŭcoŭ takich pasłuh nie karajuć. Administracyjnuju adkaznaść niasuć tolki prastytutki.
— Za minuły hod my pryciahnuli da administracyjnaj adkaznaści kala 100 mužčyn, jakija zajmalisia prastytucyjaj.
Pa słovach Kazakieviča, «fienomien mužčynskaj prastytucyi pastupova nabiraje abaroty».
— Heta nie tradycyjnyja alfonsy. Heta hiej-prastytucyja — mužčyny, jakija akazvajuć seksualnyja pasłuhi mužčynam. Ich viek — ad 16 hadoŭ (viek pałavoj zhody). Samamu stałamu było kala 50 hadoŭ, — raspavioŭ Hienadź Kazakievič.
Zarablajuć prastytucyjaj u Biełarusi ad 10 dalaraŭ da niekalkich dziasiatkaŭ tysiač dalaraŭ za hadzinu. Ale, jak adznačaje Kazakievič, pytańnie nie ŭ canie.
— Niahledziačy na 25-hadovy termin słužby, dla mianie dahetul zastaŭsia vielmi važnym maralny aśpiekt. Usio roŭna, za kolki, ale čałaviek pradajecca. Tut pytańnie popytu i prapanovy. Maralna-etyčny bok hetaj sumnieŭnaj pracy zaŭsiody ŭźnikaje.
Pa słovach Kazakieviča, jon vystupaje kateharyčna suprać lehalizacyi prastytucyi. A takija prapanovy nazyvaje «paraźnickaj pazicyjaj».
— Vy hatovyja bačyć prastytutku ŭ mamie, jakaja pryvodzić dzicia ŭ dziciačy sad abo škołu? Vy hatovyja bačyć prastytutku ŭ svajoj susiedcy, ź jakoj miła vitajeciesia ranicaj? Napeŭna, nie. Z ekanamičnaha punktu hledžańnia, 2500—3000 indyvidualnych pradprymalnikaŭ vialikaha prybytku ŭ kaznu ŭ vyhladzie padatkaŭ nie pryniasuć. A voś miedycynskija ryzyki (VIČ, ŚNID, roznyja formy vienieryčnych zachvorvańniaŭ) z mahčymym ździajśnieńniem złačynstvaŭ (machlarstva, razbojnyja napady, kradziažy) tak ci inakš spadarožničajuć hetamu vidu «biznesu».
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA4
Kamientary