U sprečcy demakrataŭ za prezidencki fatel u ZŠA źjaviŭsia novy lidar
Heta Bierni Sanders, jaki ŭpieršyniu dahnaŭ pa papularnaści Džo Bajdena siarod vybarščykaŭ, jakija hatovyja hałasavać za kandydata ad Demakratyčnaj partyi na nastupnych prezidenckich vybarach. Takija vyniki prademanstravała apytańnie, jakoje Reuters praviało sumiesna z Ipsos na hetym tydni.
U adpaviednaści z hetymi źviestkami, rejtynh Sandersa tolki za apošni tydzień vyras na 2%. Ciapier jaho hatovyja padtrymać 20% vybarščykaŭ ad Demakratyčnaj partyi. Raniejšy lidar — Džo Bajden - zaručyŭsia padtrymkaj 19% apytanych.
Dalej u rejtynhu iduć Elizabet Uoren (12%), Majkł Błumberh (9%), Pit Butydžydž (6%).
Apytańnie taksama pakazała, što prykładna 20% vybarščykaŭ pakul nie vyznačylisia z tym, kaho jany padtrymajuć na vybarach. Pry hetym bolšaść apytanych dapuścili, što pa chodzie vybarčaj kampanii mohuć źmianić svajo mierkavańnie.
Prezidenckija vybary ŭ ZŠA projduć u listapadzie 2020 hoda. Demakraty pavinny vyznačycca z kandydatam u lipieni.
Admietna što, aproč Butydžydža, usie astatnija pretendenty pavažnaha vieku. Sandersu — 78 hadoŭ, Błumbierhu i Bajdenu — 77, Uoren — 70. Trampu — 73. Butydžydžu ŭsiaho 37
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary